سرینگر/۳اپریل
نیشنل کانفرنس کے نائب صدر اور قائد ایوان عمر عبداللہ 4 اپریل کو پارٹی کے قانون ساز ارکان اور اتحادیوں کے اجلاس کی صدارت کریں گے۔
یہ میٹنگ ڈپٹی چیف منسٹر کی سرکاری رہائش گاہ پرصبح 11 بجے ہوگی۔
اجلاس کا نوٹس نیشنل کانفرنس کے چیف وہپ مبارک گل کی جانب سے جاری کیا گیا جس میں تمام اراکین کو موجود رہنے کی تلقین کی گئی۔
نوٹس میں کہا گیا ہے کہ اجلاس کی اہمیت کو مدنظر رکھتے ہوئے تمام معزز ارکان سے درخواست کی جاتی ہے کہ وہ مذکورہ تاریخ، وقت اور مقام پر شرکت کے لئے آسانی پیدا کریں۔
ذرائع کا کہنا ہے کہ اجلاس کے ایجنڈے کا باضابطہ طور پر انکشاف نہیں کیا گیا ہے لیکن ذرائع کا کہنا ہے کہ اجلاس میں جموں و کشمیر میں حالیہ سیاسی اور انتظامی پیش رفت پر توجہ مرکوز کی جائے گی۔
ایک میڈیا رپورٹ میں اعلیٰ سطحی ذرائع کے حوالے سے کہا گیا ہے کہ یہ اجلاس ایل جی انتظامیہ کی جانب سے 48 کے اے ایس افسران کے تبادلوں کے تناظر میں منعقد کیا جارہا ہے۔
سوموار کو ایل جی انتظامیہ نے جے کے اے ایس کے 48 افسروں کے تبادلے اور تعیناتی کا حکم دیا تھا۔
