کانگریس ارکان اسمبلی کی وزیر اعلی عمر عبداللہ سے ملاقات

جموں//
موجودہ بجٹ سیشن کے دوران کانگریس ارکان اسمبلی نے آج چیف منسٹر عمر عبداللہ سے ان کے دفتر کے چیمبرمیں ملاقات کی اور عوامی تشویش کے مختلف امور اور گڈ گورننس فراہم کرنے اور اتحاد کے ذریعہ عوام سے کئے گئے انتخابات سے قبل کئے گئے وعدوں کو پورا کرنے کے مشترکہ مقصد پر تبادلہ خیال کیا۔
صدر جے کے پی سی سی طارق حمید قرہ اور کانگریس لیجسلیچر پارٹی کے لیڈر جی اے میر کی قیادت میں ہونے والی میٹنگ میں وسیع تر مفاد عامہ کے امور بشمول ریاست کا درجہ جلد بحال کرنے ، اچھی حکمرانی اور پائیدار امن کے حصول کے مشترکہ اہداف پر تبادلہ خیال کیا گیا۔
آنے والے چیلنجوں کا اعتراف کرتے ہوئے اور ترجیحی سیاسی مقاصد کے جلد از جلد ازالے میں مشکلات کا احساس کرتے ہوئے اجلاس میں فیصلہ کیا گیا کہ عوام سے کیے گئے وعدوں کی روشنی میں عوامی مفاد کے مشترکہ مقاصد کے حصول کے لیے مل کر کام کیا جائے گا۔
ایم ایل اے پیرزادہ محمد سعید، نظا الدین بٹ، عرفان حافظ لون اور افتخار احمد نے بھی شرکت کی اور تقریباً پینتالیس منٹ تک جاری رہنے والی بحث میں حصہ لیا۔