چھندواڑہ سڑک حادثہ میں چھ افراد کی موت

چھندواڑہ// مدھیہ پردیش کے ضلع چھندواڑہ میں ایک بولیرو گاڑی اور موٹر سائیکل کے درمیان ٹکر ہونے کے بعد بولیرو کےکنویں میں گرجانے سے چھ افراد کی موت ہو گئی ۔
پولیس ذرائع نے آج یہاں بتایا کہ مہکھیڈ بلاک میں امرنالہ پولس چوکی علاقہ کے کوڈاماؤ گاؤں کے نزدیک کل دیر رات باراتیوں سے بھری ایک گاڑی اور موٹر سائیکل کے درمیان ٹکر کے بعد بولیرو سڑک کے کنارے ایک کنویں میں گر گئی ۔ اس حادثے میں ایک بچے سمیت چھ افراد کی موت ہو گئی ۔ تین زخمیوں میں سے ایک بچہ بھی شامل ہے ۔
ذرائع نے بتایا کہ بولیرو میں سوار افراد شادی کی تقریب میں شرکت کے بعد واپس آرہے تھے ۔ کوڈاماؤ گاؤں میں سامنے سے آنے والی موٹر سائیکل سے ٹکرا گئی اور بےقابو ہو کر سڑک کے کنارے کنویں میں جا گری ۔ موٹر سائیکل پر سوار تین افراد میں ایک خاتون اور ایک بچے کا ضلع اسپتال میں علاج جاری ہے ۔