وزیر اعلیٰ کی بی آر کنڈل کے ساتھ ملاقات، دلت برادری کو در پیش مشکلات پر غور

سرینگر//
وزیر اعلیٰ عمر عبداللہ نے جمعہ کے روز بھارتیہ دلت ساہتیہ اکیڈمی کے کار گذار صدر اور جموں کشمیر کے سابق چیف سکریٹری بی آر کنڈل کے ساتھ ملاقات کی اور اس دوران جموں وکشمیر میں دلت برادری کو در پیش مشکلات پر تفصیلی گفت و شنید کی گئی۔
اس دوران وزیر اعلیٰ نے سماجی انصاف، مساوات اور جامع ترقی کیلئے اپنے عزم کا اعادہ کیا۔یہ جانکاری وزیر اعلیٰ کے دفتر نے جمعہ کے روز اپنے ‘ایکس’ ہینڈل پر ایک پوسٹ کے ذریعے فراہم کی۔
پوسٹ میں کہا گیا’’وزیر اعلیٰ نے بھارتیہ دلت ساہتیہ اکیڈمی کے کار گذار صدر اور جموں وکشمیر کے سابق چیف سکریٹری بی آر کنڈل اور معزز اراکین کے ایک وفد کے ساتھ با معنی گفتگو کی‘‘۔
عمرعبداللہ نے کہا’’اس دوران جموں و کشمیر میں دلت برادری کو درپیش کلیدی مسائل اور حکومت کی فعال مداخلت کی ضرورت پر غور کیا گیا‘‘۔
پوسٹ میں کہا گیا کہ وزیر اعلیٰ نے سماجی انصاف، مساوات، اور سب کے لیے جامع ترقی کیلئے اپنے عزم کا اعادہ کیا۔