بارہمولہ میں منشیات فروش گرفتار، ممنوعہ مواد بر آمد:پولیس

سرینگر//
منشیات کے خلاف جنگ کو جاری رکھتے ہوئے پولیس نے شمالی کشمیر کے ضلع بارہمولہ کے اوڑی میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔گرفتار شدہ کی شناخت محمد شوکت اوان ولد عطا محمد ساکن داوارن کے طور پر ہوئی ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن اوڑی کی ایک ٹیم نے پرن پپیلن بنڈی کراسنگ پر ایک ناکے کے دوران ایک شخص کو روکا۔انہوں نے کہا کہ تلاشی کے دوران اس کی تحویل سے۷۰۰ء۱کلو بھنگ پائوڈر جیسا ممنوعہ مواد بر آمد کیا گیا جس کے بعد اس کو گرفتار کیا گیا۔
گرفتار شدہ کی شناخت محمد شوکت اوان ولد عطا محمد ساکن داوارن کے طور پر ہوئی ہے ۔بیان میں کہا گیا کہ پولیس نے اس ضمن میں پولیس اسٹیشن اوڑی میں متعلقہ دفعات کے تحت ایک کیس درج کرکے مزید تحقیقات شروع کی ہے۔