مودی اونر شپ اسکیم کے تحت 50 لاکھ سے زیادہ پروپرٹی کارڈ تقسیم کریں گے

نئی دہلی// وزیر اعظم نریندر مودی جمعہ کو ویڈیو کانفرنس کے ذریعے 10 ریاستوں اور مرکز کے زیر انتظام 2 علاقوں کے 200 اضلاع کے 46,000 سے زیادہ گاؤں میں سوامیتوا اسکیم کے تحت 50 لاکھ سے زیادہ پروپرٹی کارڈ تقسیم کریں گے ۔
وزیر اعظم کے دفتر نے آج یہاں کہا کہ وزیر اعظم نے دیہی ہندوستان کی اقتصادی ترقی کے مقصد کے ساتھ سوا متوا اسکیم کا آغاز کیا ہے جس کے ذریعہ سروے کی جدید ترین ڈرون ٹیکنالوجی کے ذریعہ گاؤں میں مکانات کے مالکان کو ‘حقوق کا ریکارڈ’ فراہم کیا جائے گا۔
اس اسکیم سے جائیدادوں کو منیٹائز کرنے اور بینک قرضوں کے ذریعے ادارہ جاتی قرض کو فعال کرنے ، جائیداد سے متعلق تنازعات کو کم کرنے ، دیہی علاقوں میں جائیدادوں اور پروپرٹی ٹیکس کے بہتر تخمینے میں مدد ملے گی اور گاؤں کی سطح پر جامع منصوبہ بندی کو فعال کرنے میں بھی مدد ملے گی۔
اب تک 3 لاکھ 10 ہزار سے زائد دیہاتوں میں ڈرون سروے مکمل کیا جا چکا ہے ، جس میں 92 فیصد دیہات کا احاطہ کیا گیا ہے ۔ اب تک تقریباً 1.5 لاکھ گاؤں کے لیے تقریباً 2 کروڑ 20 لاکھ پروپرٹی کارڈ تیار کیے گئے ہیں۔
یہ اسکیم مکمل طور پر تریپورہ، گوا، اتراکھنڈ اور ہریانہ میں نافذ کی گئی ہے ۔ مدھیہ پردیش، اتر پردیش اور چھتیس گڑھ کی ریاستوں اور کئی مرکز کے زیر انتظام علاقوں میں ڈرون سروے مکمل ہو چکا ہے ۔