بابراعظم تینوں فارمیٹس میں 4 ہزار رنز مکمل کرنے والے تیسرے بیٹر بن گئے

سنچورین // پاکستان ٹیم کے تجربہ کار کھلاڑی بابراعظم کرکٹ کے تینوں فارمیٹ میں 4 ہزار رنز بنا کر دنیا کے تیسرے بلے باز بن گئے۔
30 سالہ بابر اعظم نے جنوبی افریقا کے خلاف پہلے ٹیسٹ میچ کے دوران یہ کارنامہ سرانجام دیا۔
بابر اعظم پہلی اننگز میں 4 رنز بنا کر پویلین لوٹ گئے۔ انہوں نے ٹیسٹ میں 9 سنچریاں اور 26 نصف سنچریاں بنا رکھی ہیں جب کہ ان کا سب سے زیادہ سکور 196 رنز کا ہے۔
اس شاندار کارنامے کے ساتھ بابر ٹیسٹ کرکٹ میں 4000 رنز، ون ڈے میں 5000 اور ٹی ٹوئنٹی میں 4000 رنز بنانے والے کھلاڑیوں کی خصوصی فہرست میں شامل ہو گئے ہیں۔
بابر نے آخری ٹیسٹ سنچری دسمبر 2022ء میں نیوزی لینڈ کے خلاف بنائی تھی۔
بابر اعظم ون ڈے اور ٹی ٹونٹی میں پہلے ہی 4 ہزار رنز مکمل کر چکے ہیں۔
واضح رہے کہ سینچورین میں پاکستان اور جنوبی افریقا کے خلاف دو میچز پر مشتمل سیریز کا پہلا ٹیسٹ میچ کھیلا جا رہا ہے۔