مچل ا سٹارک کی قیادت میں آسٹریلیا کے گیند بازوں نے پہلی اننگز میں ہندوستان کو 180 رن پر سمیٹ دیا

ایڈیلیڈ//مچل اسٹارک (چھ وکٹوں) کی قیادت میں آسٹریلیائی گیند بازوں نے ہندوستان کو دوسرے ٹیسٹ میچ کے پہلے دن جمعہ کو پہلی اننگز میں 180 رن پر سمیٹ دیا۔
چائے کے وقفے کے بعد 82 کے اسکور میں صرف پانچ رنز کا اضافہ ہوا اور ٹیم انڈیانے کپتان روہت شرما (تین) کا وکٹ گنوا دیا۔ انہیں بولینڈ نے ایل بی ڈبلیو آؤٹ کیا۔ پیٹ کمنز نے رشبھ پنت (21) کو آؤٹ کیا۔ اس کے بعد نتیش کمار ریڈی اور آر اشون نے اننگز سنبھالنے کی کوشش کی، لیکن مچل اسٹارک نے اشون (22) کو ایل بی ڈبلیو آؤٹ کر کے پویلین بھیج دیا۔ ہرشت رانا اور جسپریت بمراہ دونوں صفر پر آؤٹ ہو گئے۔ ہندوستان کا آخری وکٹ نتیش کمار ریڈی کے طور پر گرا۔ انہوں نے 54 گیندوں میں تین چوکے اور تین چھکے لگا کر 42 رنز کی اننگز کھیلی۔
اس سے پہلے ہندوستان کی ٹیم کو میچ کی پہلی ہی گیند پر جھٹکا لگا تھا۔ اسٹارک نے یشسوی (صفر) کو ایل بی ڈبلیو آؤٹ کر کے پویلین بھیجا۔ اس کے بعد شبمن گل اور کے ایل راہل نے اننگز کو سنبھالا اور دوسری وکٹ کے لیے 68 رنز جوڑے۔ لیکن اس کے بعد ٹیم انڈیانے کے ایل راہل (37)، وراٹ کوہلی (سات) اور شبمن گل (31) کے وکٹ بھی گنوا دیے۔ گل کو اسکاٹ بولینڈ نے ایل بی ڈبلیو آؤٹ کیا۔ کپتان روہت شرما آج چھٹے نمبر پر بیٹنگ کرنے آئے۔ چائے کے وقفے تک ہندوستان نے 82 رنز پر چار وکٹیں گنوا دی تھیں۔
آسٹریلیا کی جانب سے مچل اسٹارک نے چھ وکٹیں حاصل کیں، جبکہ اسکاٹ بولینڈ اور پیٹ کمنز نے دو دو وکٹیں حاصل کیں۔
دوسرے ٹیسٹ میچ میں پہلے بلے بازی کرنے آئی ہندوستانی ٹیم ڈگمگا گئی اور جمعہ کو چائے کے وقفےتک چار وکٹ گنوا کر 82 رن بنا لیے اور ایسے بحران میں رشبھ پنت (چار) اور کپتان روہت شرما (ایک) کریز پر موجود ہیں۔
ٹیم انڈیا کو اترتے ہی میچ کی پہلی گیند پر دھچکا لگا۔ اسٹارک نے یشسوی (صفر) کو ایل بی ڈبلیو کر کے پویلین بھیج دیا۔ اس کے بعد شبھمن گل اور کے ایل راہل نے اننگز کو سنبھالا اور دوسرے وکٹ کے لیے 68 رنز جوڑے۔ لیکن اس کے بعد ہندوستان نے کے ایل راہل (37)، وراٹ کوہلی (سات) کے بعد شبھمن گل (31) کا بھی وکٹ گنوا دیا۔ گل کو اسکاٹ بولنڈ نے ایل بی ڈبلیو آؤٹ کیا۔
ہندوستانی کپتان روہت شرما آج چھٹے نمبر پر بلے بازی کے لیے اترے۔ چائے کے وقفے تک ہندوستان نے 82 رنز پر چار وکٹ گنوا دیے ہیں اور رشبھ پنت (چار) اور کپتان روہت شرما (ایک) کریز پر ہیں۔
آسٹریلیا کی طرف سے مچل اسٹارک نے تین وکٹ لیے اور اسکاٹ بولنڈ کو ایک وکٹ ملا۔