کووند نے ’وزیٹرس ایوارڈ‘ پیش کیا

نئی دہلی// صدر جمہوریہ رام ناتھ کووند نے آج یہاں سائنس اور ٹیکنالوجی اور تحقیق کے شعبوں میں نمایاں خدمات انجام دینے والے معززین کو’وزیٹرس‘ کے اعزازات سے نوازا۔
مسٹر کووند نے منگل کو راشٹرپتی بھون میں منعقدہ دو روزہ ‘وزیٹرس کانفرنس 2022’ میں یہ اعزازات پیش کیے۔ مرکزی یونیورسٹیوں کے وائس چانسلرز اور قومی اہمیت کے اداروں کے ڈائریکٹرز کانفرنس میں شرکت کرتے ہیں۔صدر مملکت اعلیٰ تعلیم کے 161 مرکزی اداروں کے وزیٹر ہیں۔ ان اداروں میں سے 53 کے مندوبین جسمانی طور پر اور باقی ورچوئل میڈیم سے کانفرنس میں شرکت کر رہے ہیں۔
ٹیکنالوجی ڈیولپمنٹ کے لیے وزیٹرز ایوارڈ پروفیسر پریتم دیو، شعبہ فزکس، تیز پور یونیورسٹی کو دیا گیا۔ انہیں یہ ایوارڈ فوڈ پیکیجنگ کے شعبے میں قدرتی طور پر کم کرنے والی پولیمر فلم تیار کرنے پر دیا گیا ہے۔