صائم ایوب کی ناٹ آؤٹ سنچری، پاکستان نے زمبابوے کو 10 وکٹوں سے شکست دے دی

بلاوایو//) ابرار احمد (چار وکٹ) اور آغا سلمان (تین وکٹ) کی شاندار گیند بازی کے بعد صائم ایوب (ناٹ آؤٹ 113) اور عبداللہ شفیق (ناٹ آؤٹ 32) کی شاندار اننگز کی بدولت پاکستان نے منگل کو دوسرے ون ڈے میں زمبابوے کو 10 وکٹوں سے شکست دی۔ اس کے ساتھ ہی پاکستان نے تین میچوں کی سیریز 1-1 سے برابر کر دی ہے۔
146 رنز کے ہدف کے تعاقب میں پاکستان کی جانب سے اوپنرز صائم ایوب آتشی اور عبداللہ شفیق نے صبر آزما کھیل کا مظاہرہ کیا۔ صائم ایوب نے طوفانی اننگز جس میں انہوں نے (ناٹ آؤٹ 113) 62 گیندوں پر 17 چوکے اور تین چھکے لگائے۔ وہیں عبداللہ شفیق نے 48 گیندوں پر چار چوکوں کی مدد سے 32 رنز (ناٹ آؤٹ) بنائے۔ پاکستان نے بغیر کوئی وکٹ کھوئے 18.2 اوورز میں 148 رنز بنائے اور میچ 10 وکٹوں سے جیت لیا۔
اس سے قبل آج زمبابوے نے ٹاس جیت کر پہلے بیٹنگ کا فیصلہ کیا۔ زمبابوے کا آغاز خراب رہا اور 23 کے اسکور پر اس کی دو وکٹیں گر گئیں۔ جویلورڈ گیمبی (پانچ) اور ٹی مارومنی (چار) رنز بنانے کے بعد آؤٹ ہوئے۔ ڈیون مائرز اور کپتان کریگ ایرون نے اننگز کو سنبھالنے کی کوشش کی۔ 13ویں اوور میں آغا سلمان نے کریگ ایرون (18) کو آؤٹ کر کے زمبابوے کو تیسرا جھٹکا دیا۔ ٹیم کی جانب سے ڈیون مائرز نے سب سے زیادہ (33) رنز بنائے۔ پاکستانی باؤلرز کے خلاف زمبابوے کا کوئی بھی بلے باز زیادہ دیر تک پچ پر نہ ٹھہر سکا۔ ایس ولیمز (31)، سکندر رضا (17)، برائن بینیٹ (14) اور بی مزاربانی (11) رنز بنانے کے بعد آؤٹ ہوئے۔ برینڈن ماوتا (تین) اور رچرڈ نگروا (دو) رنز بنانے کے بعد آؤٹ ہوئے۔ پاکستانی بولرز نے زمبابوے کو 32.3 اوورز میں 145 رنز پر آؤٹ کر دیا۔
پاکستان کی جانب سے ابرار احمد نے چار وکٹیں حاصل کیں۔ آغا سلمان نے تین وکٹیں حاصل کیں۔ صائم ایوب اور فیصل اکرم نے ایک ایک بلے باز کو آؤٹ کیا۔
پاکستان نے دوسرے ون ڈے انٹرنیشنل میچ میں ڈیبیو کرنے والے گیندبازابرار احمد کی خطرناک گیندبازی کی بدولت زمبابوے کی ٹیم 145 رن پر سمٹ گئی ۔
زمبابوے نے پاکستان کو دوسرے ون ڈے انٹرنیشنل میچ میں جیت کے لیے 146 رنز کا ہدف دیا ہے، پاکستانی ٹیم کی جانب سے ڈیبیو کرنے والے ابرار احمد نے 4 وکٹیں حاصل کیں۔
پاکستان ٹیم نے شاندار گیندبازی کرتے ہوئے میچ میں اچھا آغاز کیا اور دونوں اوپنرز کی وکٹ 23 رنز پر حاصل کی، زمبابوے کی پہلی وکٹ 1.3 اور دوسری وکٹ 3.5 اوورز میں گری۔
بعدازاں زمبابوے کی تیسری، چوتھی اور پانچویں وکٹ آغا سلمان نے حاصل کی، یوں آدھی ٹیم 20.2 اوورز میں 97 رنز پر پویلین لوٹ گئی۔
پاکستان کی جانب سے ابرار احمد نے 4 اور سلمان علی آغا نے 3 جبکہ صائم ایوب اور فیصل اکرم نے ایک ایک وکٹ حاصل کی۔
زمبابوے کے بلے باز ڈیون مائیرز نے سب سے زیادہ 33 رنز بنائے جبکہ شان ولیمز نے 31 اور کپتان کریگ ایروین نے 18 رنز اسکور کیے ۔