ریاسی سڑک حادثے میں ۱۲یاتری زخمی

جموں/۱۳نومبر
جموںکشمیر کے ریاسی ضلع کے سمبال چوک میں یاترا گاڑی کو حادثہ پیش آیا جس کے نتیجے میں۱۲یاتری زخمی ہوئے جنہیں علاج و معاجہ کی خاطر نزدیکی ہسپتال منتقل کیا گیا۔
اطلاعات کے مطابق بدھ کی صبح ریاسی کے سمبال چوک میں اس وقت سراسیمگی دوڑ گئی جب دوگاڑیوں کے درمیان شدید ٹکر ہوئی جس وجہ سے۱۲؍افراد زخمی ہوئے ۔
معلوم ہوا ہے کہ آس پاس موجود لوگوں نے زخمیوں کو طبی امداد کی خاطر نزدیکی ہسپتال منتقل کیا جہاں پر ایک کی حالت تشویشناک بنی ہوئی ہے ۔
حکام کے مطابق ویشنو دیوی مندر میں حاضری کے بعد یاتری شیو کھوری مندر جارہے تھے کہ راستے میں گاڑی کو حادثہ پیش آیا۔
حکام بتایا کہ حادثے کی وجوہات جاننے کی خاطر کیس درج کرکے تحقیقات شروع کی گئی ہے ۔