قرار داد کی منظوری :اسمبلی نے اپنا کام کردیا :وزیر اعلیٰ

سرینگر//
جموںکشمیر کے وزیر اعلیٰ عمر عبداللہ کا کہنا ہے کہ دفعہ۳۷۰کی بحالی کے متعلق قرار داد منظور کرکے اسمبلی نے اپنا کام کر دیا۔
بتادیں کہ جموں کشمیر اسمبلی کے تیسرے دن بدھ کے روز نائب وزیر اعلیٰ سریندر چودھری نے دفعہ۳۷۰کی بحالی کی قرارداد پیش کی جس کو اسمبلی میں اکثریتی ووٹوں سے منظور کیا گیا۔
اس قرار داد کی منظوری کے بارے میں پوچھے جانے پر عمر عبداللہ نے میڈیا کو بتایا’’اسمبلی نے اپنا کام کر دیا میں اس پر اتنا ہی کہوں گا‘‘۔
ادھر بی جے پی کے لیڈروں نے اسمبلی میں دفعہ۳۷۰کی بحالی کے متعلق قرار داد کے خلاف زبردست احتجاج درج کیا اور اس کو ملک دشمن ایجنڈا قرار دیا۔انہوں نے کہا’’یہ ملک دشمن ایجنڈا ہے ، ہم اس قرار داد کو مسترد کرتے ہیں۔‘‘