جموں//
نیشنل کانفرنس ‘پیپلز ڈیموکریٹک پارٹی (پی ڈی پی) اور انجینئر رشید پرجموں کشمیرمیں علیحدگی پسندی اور دہشت گردی کوہوادینے کاالزام عائد کرتے ہوئے بھارتیہ جنتاپارٹی (بی جے پی) نے کہا ہے کہ جموں کشمیر وزیر اعظم مودی کا ہے اور رہے گا ۔
جمعہ کو جموں میں ایک پریس کانفرنس میں بی جے پی کے ترجمانِ اعلیٰ ایڈوکیٹ سنیل سیٹھی نے عبداللہ، مفتی، گاندھی اورانجینئررشیدپرجموں وکشمیرمیں علیحدگی پسندی، دہشت گردی کوہوادینے کاالزام عائدکرتے ہوئے واضح کیاکہ امن وامان کے ساتھ ترقی کی راہ پرتیزی سے گامزن جموں وکشمیروزیراعظم مودی کاہے اورمودی کاجموں وکشمیررہے گا کیونکہ عوامی مسائل پرچناؤلڑنے والی واحد جماعت بھارتیہ جنتاپارٹی ہے اوریہ شیر ہے جس کا تین چارگیدڑ مل کر کچھ نہیں بگاڑ سکتے۔
سیٹھی نے ریاست کویوٹی بنانے کیلئے بھی تین خاندانوں کوذمہ دارٹھہراتے ہوئے کہاکہ امن وامان بحال کرنے کیلئے مودی سرکارکوسخت فیصلہ لیناپڑا۔
بی جے پی ترجمان کہاکہ کشمیرمیں دیکھیں تو تین بڑی جماعتیں ہیں جن میں نیشنل کانفرنس۔کانگریس الائنس، پی ڈی پی یا انجینئر رشیدکی اے آئی پی ہے۔ اْنہوں نے کہاکہ یہ جماعتیں کشمیرمیں لڑ رہی ہیں اور جموں خطہ میں بھی یہی سیاسی جماعتیں ہیں۔اْنہوں نے کہاکہ ان کااپناکوئی عوامی فلاح وبہبود کاترقی کاکوئی ایجنڈانہیں اورتینوں جماعتوں کامشترکہ نشانہ بھارتیہ جنتاپارٹی ہے۔
سیٹھی نے کہاکہ ان سب کا مشترکہ نشانہ صرف بھارتیہ جنتاپارٹی ہے اور این سی، پی ڈی پی،کانگریس اورانجینئر رشید کی آپس میں دوڑ لگی ہوئی ہے کہ بھارتیہ جنتاپارٹی کیخلاف کون زیادہ بات کرتا ہے۔اْنہوں نے کہاکہ یہ تینوں جماعتیں بھاجپامخالف، ملک مخالف اور علیحدگی پسندی،دہشت گردی کے حق میں بات کرنے کی دوڑ لگی ہوئی ہے۔
بی جے پی ترجمان نے کہاکہ صرف بھارتیہ جنتاپارٹی ہی واحد سیاسی جماعت ہے جو لوگوں کے مدعوں اور ترقی کی بات کرتی ہے جبکہ اس کے برعکس یہ تینوں بھاجپا کیخلاف متحد ہیں اور علیحدگی پسندی کے حق میں ہیں۔اْنہوں نے کہاکہ عمرعبداللہ،محبوبہ اورانجینئر رشید کے نشانے پربی جے پی ہے اور یہ زیادہ سے زیادہ ملک مخالف بات کرنے کی دوڑمیں لگے ہیں۔اْنہوں نے کہا’’یہ لوگ زیادہ سے زیادہ علیحدگی پسندوں کو خوش کرنے کے جدوجہدمیں ہیں،لیکن ملی ٹینسی کو خوش کرنے سے یہ جموں وکشمیرکے لوگوں کو بیوقوف بنانے کی کوشش کر رہے ہیں اوربڑابیان دینے کی کوشش میں ہیں تاکہ اس بنیاد پرانہیں ووٹ ملے‘‘۔
سیٹھی نے واضح کیاکہ یہ نیاجموں وکشمیروزیراعظم نریندرمودی کی انتھک کوششوں سے تعمیرہواہے جہاں ملی ٹینسی، پتھربازی، علیحدگی پسندی اور ہڑتالوں کانہیں بلکہ امن،ترقی،خوشحالی اور سیاحت کادورہے اوریہ نیاجموں وکشمیرمودی کاہے اورمودی کارہے گا،اسے کوئی واپس تباہی کے دلدل میں نہیں دھکیل سکتا۔اْنہوں نے کہا’’یہ مفتی،عمر،رشید چاہتے ہیں مستقبل میں جموں وکشمیرمودی کانہیں رہے گا،یہ ان کی کوشش ہے لیکن ہم جموں وکشمیرکے عوام کو کہناچاہتے ہیں کہ کشمیر آج بھی مودی کا جموں وکشمیرہے اور آنے والے وقت میں بھی مودی جی کاہی رہے گا‘‘۔
بی جے پی ترجمان نے ریاست کویوٹی میں تبدیل کرنے کیلئے بھی کے لئے بھی نیشنل کانفرنس۔پی ڈی پی اور کانگریس کوذمہ دارٹھہراتے ہوئے کہاکہ جموں وکشمیرکودہشت گردی میں جھونک دیاگیاتھاجہاں علیحدگی پسندوں کی دہلی دربارمیں آؤبھگت ہواکرتی تھی،تب کے وزیراعظم یاسین ملک جیسوں کی دعوتیں کیاکرتے تھے اور اس قدر تباہی اور علیحدگی پسندی کی سوچ کے دلدل سے جموں وکشمیرکوباہرنکالنے کیلئے ریاست سے یوٹی میں تبدیل کرنے کاایک بڑافیصلہ لیناپڑا۔اْنہوں نے کہاکہ حالات کوبہتر بنانے کے لئے کبھی بڑے فیصلے لینے پڑتے ہیں اور دائمی امن ومان قائم کرنے کے لئے اس سے بھی سخت اقدامات اْٹھانے پڑے توبھاجپابالکل بھی ہچکچاہٹ محسوس نہیں کرے گی۔
