’ پچھلے آٹھ سالوں میں ریکارڈ ترقی ہوئی ‘

سرینگر//
لیفٹیننٹ گورنر‘ منوج سنہا نے آج یہاں ایس کے آئی سی سی میں منعقد’ غریب کلیان سمیلن‘ کے سلسلے میں یو ٹی سطح کے پروگرام کی صدارت کی ۔
قابلِ ذکر بات یہ ہے کہ ’ غریب کلیان سمیلن ‘ وزیر اعظم نریندر مودی کے آٹھ سال مکمل ہونے پر ہے ۔ ملک گیر سطح پر ہونے والی اس سب سے بڑی بات چیت کے دوران وزیر اعظم نے وسیع پیمانے پر سرکاری اسکیموں اور پروگراموں کے استفادہ کنندگان کے ساتھ بات چیت کی اور ان کی زندگیوں پر ان اسکیموں کے اثرات کے بارے میں پہلی بار رائے حاصل کی ۔
وزیر اعظم نے پردھان منتری کسان سمان ندھی ( پی ایم ۔ کے آئی ایس اے این ) اسکیم کے تحت مالی فائدے کی ۱۱ ویں قسط بھی جاری کی ۔۱۰ کروڑ سے زیادہ فائدہ مند کسان خاندانوں کو تقریباً ۲۱ہزار کروڑ روپے کی رقم تقسیم کی گئی ۔
لیفٹیننٹ گورنر نے یو ٹی سطح پر اس پروگرام کو منعقد کرنے کیلئے ۲۷ ہزار پردھان منتری آواس یوجنا ( گرامین ) کے مستفدین کیلئے گرہ پرویش پروگرام اور ۱۰۰ امرت سروور سائٹس کا افتتاح کیا ۔
سنہا نے جموں و کشمیر کے عوام کی طرف سے وزیر اعظم کا شکریہ ادا کیا کہ انہوں نے جموں کشمیر یو ٹی کو ترقی کے مرکزی دھارے سے جوڑ کر ترقی ، سماجی مساوات اور سب کیلئے سماجی انصاف کو یقینی بنایا ۔
لیفٹیننٹ گورنر نے کہا کہ یہ بڑے فخر کی بات ہے کہ وزیر اعظم نریندر مودی کی گُڈ گورننس کے آٹھ سالوں میں عوام پر مبنی پالیسیوں نے ہمارے معاشرے کے سب سے زیادہ پسماندہ طبقات کو بااختیار بنایا ہے ۔
سنہا نے ’’ غریب کلیان سمیلن ‘‘ کو عام شہریوں کی زندگیوں میں مثبت تبدیلی کی کہانیوں کو اجاگر کرنے کیلئے ایک اہم اقدام قرار دیا ۔
لیفٹیننٹ گورنرنے مزید کہا کہ پچھلے آٹھ سالوں میں ریکارڈ ترقی ہوئی ہے اور اس بات کو یقینی بنایا گیا کہ ترقی کے ثمرات سماجی شمولیت ، تعلیم ، صحت ، دیہی ترقی ، زراعت اور دیہی اور شہری انفراسٹرکچر کو بہتر بنانے کیلئے مساوی طور پر تقسیم کئے جائیں ۔
سنہا نے مزید کہا کہ جموں و کشمیر اور اس کے عوام سات دہائیوں سے ترقی سے محروم تھے اب عام لوگوں کو مساوی حقوق فراہم کرنے کیلئے آئینی دفعات پر عمل درآمد کیا جا رہا ہے ۔
مختلف فلاحی اسکیموں میں حاصل ہونے والی پیش رفت پر روشنی ڈالتے ہوئے لیفٹیننٹ گورنر نے کہا کہ تمام سطحوں پر سرکاری مشینری زیادہ لگن اور عزم کے ساتھ کام کر رہی ہے ۔
جموں و کشمیر نے پردھان منتری آواس یوجنا ۔ دیہی اور پردھان منتری آواس یوجنا ۔ شہری میں بہتر کارکردگی کا مظاہرہ کیا ہے ۔ گذشتہ تین برسوں میں حکومت کی طرف سے متعارف کرائی گئی کسانوں پر مبنی اصلاحات نے جموں و کشمیر کے کسانوں کی آمدنی میں کئی گنا اضافہ کیا ہے ۔
اسی طرح گذشتہ مالی سال تک پردھان منتری ماترووندنا یوجنا کے تحت ۷ء۲ لاکھ مستفدین کا احاطہ کیا گیا تھا اور ان میں ۱۰۷ کروڑ روپے سے زیادہ کی رقم تقسیم کی گئی ہے ۔
لیفٹیننٹ گورنر نے کہا کہ موجودہ مالی سال میں اپریل۲۰۲۲ تک ۵۴۵۸ مستفدین کو پردھان منتری ماترو وندنا یوجنا سے جوڑا گیا تھا اور۲ کروڑ ۷۶ لاکھ روپے کی رقم براہ راست ان کی کھاتے میں منتقل کی گئی ہے ۔
سنہا نے مزید کہا کہ جموں اور کشمیر میں دیہی صفائی کی کوریج ایک اور شعبہ ہے جہاں مرکزی حکومت کی کوششوں کے نتیجے میں ہم نے ۱۰۰ فیصد سیچوریشن کے ساتھ قابل ذکر پیش رفت درج کی ہے ۔ جموں و کشمیر نے سوچھ بھارت اربن ابھیان میں اچھی کارکردگی کا مظاہرہ کیا ہے ۔
لیفٹیننٹ گورنرکاکہنا تھا’’ آج ہر گھر سے ۱۰۰ فیصد فضلہ اکٹھا کیا جا رہا ہے اور اس سال نومبر تک ہم ۶۰ سے ۷۰ فیصد کچرے کو پراسیس کرنے میں بھی کامیاب ہو جائیں گے ۔ مزید براں تمام ۷۸ شہری بلدیاتی اداروں میں کچرے کے انتظام کیلئے ۶۴۸کروڑ روپے کی رقم منظور کی گئی ہے ‘‘۔
جل جیون مشن کے تحت درج کامیابیوں پر بات کرتے ہوئے لیفٹیننٹ گورنر نے کہا کہ یو ٹی حکومت صد فیصد پائپ پانی ( ہر گھر نل سے جل ) کے مہتواکانکشی ہدف کو حاصل کرنے کیلئے ایک مشن موڈ پر کام کر رہی ہے ۔
سنہا نے کہا کہ جے اینڈ کے نے مدرا یوجنا کے تحت درجہ بندی میں بھی بہتری لائی ہے جس نے چھوٹے تاجروں کو نئے کاروبار شروع کرنے یا موجودہ کاروبار کو بڑھانے کے قابل بنایا ہے ۔ مجموعی طور پر۶۲ء۲ لاکھ سے زیادہ اکاؤنٹس کھولے گئے ہیں اور اس اسکیم کے تحت چھوٹے اور مائیکرو کاروباریوں کو۵۶۹۶ کروڑ روپے تقسیم کئے گئے ہیں ۔
لیفٹیننٹ گورنر نے کہا کہ صحت ، انفراسٹرکچر ، روڈ کنیکٹیویٹی اور صنعتوں جیسے شعبوں نے پچھلے تین برسوں میں بڑے پیمانے پر تبدیلی دیکھی ہے ۔