نئی دہلی// وزیر اعظم نریندر مودی نے منگل کو پیرس پیرا اولمپک 2024 گیمز میں مردوں کے جیولن تھرو ایف 64 ایونٹ میں طلائی تمغہ جیتنے پر سمت انتل اور خواتین کے سنگلز بیڈمنٹن ایس ایچ 6 ایونٹ میں کانسہ کا تمغہ جیتنے پر نتھیا شری سیون کو مبارکباد دی۔
مسٹر مودی نے سوشل میڈیا پلیٹ فارم ایکس پر لکھا ، ’’سمت کی غیر معمولی کارکردگی، مردوں کے جیولن ایف 64 ایونٹ میں طلائی تمغہ جیتنے پر انہیں مبارکباد، انہوں نےغیر معمولی مستقل مزاجی اور عمدگی کا مظاہرہ کیا۔ ان کی آنے والی کوششوں کے لیے نیک خواہشات۔”
ایک اور پوسٹ میں، وزیر اعظم نے کہا، "پیرا اولمپک 2024 میں خواتین کے سنگلز بیڈمنٹن ایس ایچ 6 ایونٹ میں کانسہ کا تمغہ جیتنے پر نتھیا شری سیون کو مبارکباد۔ "ان کی اس حصولیابی نے لاتعداد لوگوں کو متاثر کیا اور کھیل کے تئیں ان کے جنون اور لگن کو بھی اجاگر کیا۔””
قابل ذکر ہے کہ جیولن تھرو کھلاڑی سمت نے پیر کو ریکارڈ توڑ مینز جیولن تھرو ایف 64 ایونٹ کے فائنل میں برطانیہ کے ڈینیئل بیتھل کو ایک گھنٹہ سے زیادہ وقت تک چلے سخت مقابلے میں 21-14 18-21 23-21 سے شکست دے کر طلائی تمغہ جیتا۔
اسی طرح خواتین کے سنگلز بیڈمنٹن ایس ایچ 6 ایونٹ میں نتھیا سری سیون نے بھی پیر کو انڈونیشیا کی سابق عالمی چیمپئن رینا لارلینا کو 2-0 سے شکست دے کر اپنا پہلا پیرا اولمپک تمغہ جیتا۔
