راجناتھ نے امریکی شہر میمفس میں ہندوستانی برادری کے لوگوں سے بات چیت کی

نئی دہلی//وزیر دفاع راج ناتھ سنگھ نے اپنے دورہ امریکہ کے آخری دن اتوار کونیشنل سول رائٹس میوزیم کا دورہ کیا اور ٹینیسی کے میمفس میں ہندوستانی کمیونٹی سے بات چیت کی۔
وزارت دفاع نے پیر کو ایک ریلیز جاری کرتے ہوئے کہا کہ نیشنل سول رائٹس میوزیم نے 17ویں صدی سے لے کر آج تک امریکہ میں شہری حقوق کی تحریک کی تاریخ کا گواہ رہا ہے اور یہ 1968 میں مارٹن لوتھر کنگ جونیئر کے قتل کی جگہ کے آس پاس بنایا گیا ہے ۔ اس میں مہاتما گاندھی کا مجسمہ بھی ہے ۔
میمفس، اٹلانٹا، نیش وِل اور دیگر آس پاس کے علاقوں میں ہندوستانی باشندوں کے ساتھ بات چیت کرتے ہوئے ، مسٹرسنگھ نے ان کی حصولیابیوں نیز سماج، سائنس اور معیشت میں ان کے تعاون کی تعریف کی۔ انہوں نے ہندوستانی کمیونٹی کے لوگوں کو ہندوستان اور امریکہ کے درمیان قریبی تعلقات اور خیر سگالی کو فروغ دینے والا ‘زندہ پل’ قرار دیا۔
وزیر دفاع نے 2019 میں مہاتما گاندھی کی 150 ویں یوم پیدائش پر نیشنل سول رائٹس میوزیم کے قریب مہاتما گاندھی پر ایک نمائش منعقد کرنے کے لیے ہندوستانی برادری کی کوششوں کی تعریف کی۔