کرگل وجے دیوس:ایل جی کا بہادر جوانوں کو خراج عقیدت

سرینگر//
جموں کشمیر کے لیفٹیننٹ گورنر منوج سنہا نے کرگل وجے دیوس کی۲۵ویں برسی کے موقع پر مادر وطن کی خدمت میں اپنی جانیں نچھاور کرنے والے بہادر جوانوں کو شاندار خراج عقیدت پیش کیا ہے ۔
بتادیں کہ ۲۶جولائی کو سال۱۹۹۹میں کرگل میں پاکستانی فوج پر ہندوستانی فوج کی فتح کو کرگل وجے دیوس کے طور پر منایا جاتا ہے ۔
منوج سنہا نے جمعہ کے روز ’ایکس‘پر اپنے ایک پوسٹ میں کہا’’کرگل وجے دیوس کی۲۵ویں برسی کے موقع پر میں فوج کے بہادر جوانوں کو خراج عقیدت پیش کرتا ہوں جنہوں نے’آپریشن وجے‘میں ہندوستان کی فتح کے دوران مادر وطن کی خدمت میں اعلیٰ ترین قربانیاں پیش کیں‘‘۔
۱۹۹۹میں پاکستانی فوج اور مختلف تنظیموں کے ملی ٹنٹوں نے دراس سے بٹالک تک لائن آف کنٹرول پر کئی چوٹیوں پر قبضہ کیا تھا۔
بعد ازاں ہندوستانی فوج نے فضائی فوج کی مدد سے پاکستانی فوج اور در اندزوں کو پیچھے دھکیل دیا تھا اور تین ماہ کی جنگ کے بعد ان چوٹیوں پر واپس اپنا قبضہ جمایا تھا۔