آئی سی سی ٹی ٹوئنٹی ورلڈ کپ میں ناقص پرفارمنس کے بعد سری لنکا کرکٹ ٹیم کے ہیڈ کوچ کرس سلورووڈ مستعفی ہو گئے۔
اس حوالے سے سری لنکا کرکٹ بورڈ کا کہنا ہے کہ کرس سلورووڈ نے اپنے عہدے سے استعفیٰ دے دیا، وہ ذاتی وجوہات کے باعث مستعفی ہوئے ہیں۔
کرس سلورووڈ کا کہنا ہے کہ انٹرنیشنل کوچ ہونے کے ناطے اپنوں سے زیادہ ٹائم دور رہنا پڑتا ہے، فیملی اور قریبی افراد کے ساتھ تفصیلی مشاورت کے بعد مستعفی ہونے کا فیصلہ کیا۔
انہوں نے کہا کہ اب وقت آگیا ہے کہ واپس گھر میں اپنی فیملی کے ساتھ تھوڑا اچھا وقت گزار سکوں۔
واضح رہے کہ گزشتہ روز سری لنکا کے بیٹنگ کنسلٹنٹ مہیلا جے وردھنے نے بھی استعفیٰ دے دیا تھا۔
چینی باسکٹ بال پلیئر لمبے قد ا کی وجہ سے توجہ کا مرکز
چین کی قومی باسکٹ بال ٹیم کی کھلاڑی ژانگ زیو نے اپنے لمبے قد اور مہارت کی وجہ سے لوگوں کی توجہ حاصل کرلی۔غیرملکی میڈیا کے مطابق 17 سالہ ژانگ زیو کا قد 7 فٹ 3 انچ ہے، انہوں نے خواتین کے انڈر 18 ایشیا کپ میں اپنے قد اور مہارت کی وجہ سے بہت تیزی سے مقبولیت حاصل کی۔میڈیا رپورٹس کے مطابق ژانگ زیو نے گزشتہ ہفتے چین کے لیے ڈیبیو کیا تھا اور انہوں نے کھیل کے دوران اپنے قابلِ ذکر قد سے بھی بہت فائدہ اٹھایا۔سوشل میڈیا پر بھی نوجوان کھلاڑی کی مہارت کی تعریف کی جارہی ہے۔غیرملکی میڈیا کے مطابق ماہرین ژانگ زیو کے کیریئر کے ابتدا میں ان کی کارکردگی کو دیکھ کر ان کے روشن مستقبل کے بارے میں پیش گوئیاں کر رہے ہیں۔
