انٹرنیشنل کرکٹ کونسل (آئی سی سی) ٹی ٹوئنٹی پلئیرز رینکنگ جاری کردی گئی۔ افغانستان کے محمد نبی سے ٹی ٹوئنٹی نمبر ون آل راؤنڈر کی پوزیشن چھِن گئی۔
محمد نبی مختصر وقت کےلئے نمبر ون ٹی ٹوئنٹی آل راؤنڈر رہے، آسٹریلیا کے مارکوس اسٹوئنس پہلے نمبر پر آ گئے۔
سری لنکا کے وانندو ہسارنگا دوسرے اور شکیب الحسن تیسرے نمبر پر ہیں۔ افغانستان کے محمد نبی رینکنگ میں چوتھے نمبر پر چلے گئے۔
ٹی ٹونٹی بولرز رینکنگ میں ویسٹ انڈیز کے عقیل حسین چھ درجے ترقی کے بعد دوسرے نمبر پر آ گئے، انگلینڈ کے عادل رشید بولرز کی رینکنگ میں پہلے نمبر پر موجود ہیں۔
ویسٹ انڈیز کے گودا کیش موتی 16 درجے ترقی کے بعد 13 ویں نمبر پر آ گئے
بیٹرز کی ٹاپ فور رینکنگ میں کوئی تبدیلی نہیں آئی، بھارت کے سوریا کمار یادیو کا پہلا، انگلینڈ کے فل سالٹ کا دوسرا، پاکستان کے بابر اعظم تیسرے اور محمد رضوان چوتھے نمبر پر موجود ہیں۔
آسٹریلیا کے ٹریوس ہیڈ پانچ درجے ترقی کے بعد 5ویں نمبر آ گئے، ویسٹ انڈیز کے نکولس پران 8 درجے ترقی کے بعد 11 ویں نمبر براجمان ہیں۔
