سنہا کا جاں بحق یاتری کے حق میں ایکس گریشا کا اعلان

جموں//
جموںکشمیر کے لیفٹیننٹ گورنر منوج سنہا نے پیر کے روز ریاسی حملے میں جاں بحق ہونے والے ہر یاتری کے لواحقین کو دس لاکھ روپیے ایکس گریشا دینے کا اعلان کردیا۔
انہوں نے کہا کہ اس حملے میں زخمی ہونے والوں کو فی کس۵۰ہزار ریے دئے جائیں گے ۔
بتادیں کہ ریاسی ضلع کے کانڈا علاقے میں اتوار کی شام ملی ٹنٹوں نے ایک یاترا گاڑی پر فائرنگ کر دی جس کے نتیجے میں۹یاتری جاں بحق جبکہ۳۳دیگر زخمی ہوگئے ۔
لیفٹیننٹ گورنر نے پیر کو ’ایکس‘پر ایک پوسٹ میں کہا’’ریاسی دہشت گردانہ حملے میں شہید ہونے والے یاتریوں کے لواحقین کو۱۰لاکھ رویے ایکس گریشیا دئے جائیں گے جبکہ زخمیوں کو فی کس۵۰ہزار روپیے دئے جائیں گے ‘‘۔
ایل جی نے کہا کہ زخمی یاتریوں کا جموں اور ریاسی کے مختلف ہسپتالوں میں علاج چل رہا ہے ۔
سنہا کا ایک اور پوسٹ میں کہنا تھا’’ضلع انتظامیہ نے متاثرین کی تمام ضروری امداد کی فراہمی کو یقینی بنانے کے لئے ایک کنٹرول روم قائم کیا ہے ‘‘۔
ایل جی نے کہا’’جائے موقع پر جموں وکشمیر پولیس، فوج اور سی آر پی ایف کی طرف سے ایک مشترکہ سیکورٹی فورس کا ایک عارضی ہیڈ کوارٹر قائم کیا گیا ہے اور اس حملے میں ملوث دہشت گردوں کی تلاش کے لئے آپریشن جاری ہے ۔‘‘