جموں و کشمیر میں۱۷جون کو ذی الحجہ کا چاند نظر آگیا: مفتی اعظم

سرینگر//
جموں کشمیر کے مفتی اعظم مفتی ناصر الاسلام فاروقی نے اعلان کیا ہے کہ اسلامی کیلنڈر کے آخری مہینے‘ذی الحجہ کا چاند جمعہ کی شام کو دیکھا گیا ہے۔
مفتی اعظم نے کہا کہ ذی الحجہ۱۴۴۵ہجری کا چاند آج دیکھا گیا اور اس کے بعد ذی الحجہ کا مہینہ کل یعنی ۸ جون۲۰۲۴ (ہفتہ) سے شروع ہوگا۔
مفتی اعظم نے مزید کہا کہ عید۱۷ جون۲۰۲۴ کو منائی جائے گی۔
اس دوران ملک کی مختلف رویت ہلال کمیٹیوں کی جانب سے آج ایک اجلاس رویت ہلال ماہ ذی الحجہ منعقد کیا گیا تھا۔ رویت ہلال کمیٹیوں نے تحت احکام شرعیہ آج ذی الحجہ کا چاند نظر آنے کا اعلان کیا ہے۔ رویت ہلال کمیٹیوں کے مطابق۸ جون بروز ہفتہ یکم دی الحجہ ہوگی اور۱۷ جون بروز دوشنبہ ملک بھر میں عیدالاضحیٰ منائی جائے گی۔
اطلاعات کے مطابق چینائی کے صدر قاضی نے پونڈی چیری میں چاند نظر آنے کی تصدیق کی ہے۔ اسی طرح دیگر علاقوں سے چاند نظر آنے کی شہادت دی گئی۔
واضح رہے کہ گذشتہ روز سعودی عرب میں بھی ذی الحجہ کا چاند نظر آیا تھا۔ وہاں کی سپریم کورٹ نے اعلان کیا تھا کہ۷ جون بروز جمعہ یکم دی الحجہ اور ۱۵ جون کو وقوف عرفہ ہوگا۔ اسی طرح ۱۶ جون کو عیدالاضحیٰ کا پہلا دن ہوگا۔