ایگزٹ پول:’انڈیا بلاک لوگوں کو متاثر کرنے میں ناکام‘

نئی دہلی//
ایگزٹ پول میں حکمراں بی جے پی زیرقیادت این ڈی اے حکومت کی بڑی جیت کی پیش گوئی کے درمیان وزیر اعظم نریندر مودی نے ہفتہ کے روز انڈیا بلاک کو تنقید کا نشانہ بناتے ہوئے کہا کہ وہ رائے دہندگان کو متاثر کرنے میں ناکام رہا ہے۔
مودی نے کہا’’میں اعتماد کے ساتھ کہہ سکتا ہوں کہ ہندوستان کے لوگوں نے این ڈی اے حکومت کو دوبارہ بنانے کے لئے ریکارڈ تعداد میں ووٹ دیا ہے‘‘۔
ایکس پر ایک پوسٹ میں وزیر اعظم ے کہا ’’ موقع پرست انڈیا اتحاد رائے دہندگان کو متاثر کرنے میں ناکام رہا اور اسے ذات پات، فرقہ وارانہ اور بدعنوان قرار دیا‘‘۔
مودی نے کہا کہ انتخابی مہم کے ذریعے اپوزیشن اتحاد نے مودی کو تنقید کا نشانہ بنانے میں اپنی مہارت میں اضافہ کیا ہے۔ عوام نے اس طرح کی رجعت پسند سیاست کو مسترد کردیا۔
یاد رہے کہ بیشتر ایگزٹ پول جائزوں میں بی جے پی کی قیادت والے این ڈی اے کو بھاری اکثریت حاصل کرتے ہو ئے دکھایا گیا ہے ۔
اس سے پہلے وزیر اعظم نریندر مودی نے ہفتہ کو لوک سبھا انتخابات کے ساتویں اور آخری مرحلے میں ووٹنگ کے بعد ملک کے ووٹروں کا شکریہ ادا کیا۔
مودی نے کنیا کماری میں وویکانند شیلا میموریل میں ۴۵گھنٹے سادھنا کے بعد دارالحکومت واپس آنے کے بعد ایکس پر پیغام میں کہا بھارت نے ووٹ دیا۔’’ ان تمام لوگوں کا تہہ دل سے شکریہ جنہوں نے اپنا حق رائے دہی استعمال کیا۔ ان کی فعال شرکت ہماری جمہوریت کی بنیاد ہے ۔ ان کی وابستگی اور لگن اس بات کو یقینی بناتی ہے کہ ہمارے ملک میں جمہوری جذبہ پروان چڑھے ‘‘۔
وزیر اعظم نے کہا’’میں ہندوستان کی خواتین کی طاقت اور نوجوانوں کی طاقت کی بھی خاص طور پر تعریف کرنا چاہوں گا۔انتخابات میں ان کی مضبوط موجودگی ایک بہت حوصلہ افزا علامت ہے ۔‘‘