گاندربل میں پیسوں کے بڑے آن لائن گھوٹالے حل

سرینگر//
جموںکشمیر پولیس کی سائبر سیل گاندر بل نے پیسوں کے ایک بڑے آن لائن گھوٹالے کو حل کیا ہے اور لاکھوں روپے مالیت کے گم ہونے والے سمارٹ فونز کا سراغ لگایا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ سائبر سیل گاندربل نے پیسوں کے ایک بڑے آن لائن گھوٹالے کو حل کرکے۶لاکھ۲۰ہزار روپے کو بند کر دیا اور۳۹ہزار۹سو روپے متاثرین کے بینک کھاتوں میں دوبارہ جمع کئے ۔انہوں نے کہا کہ پولیس نے لاکھوں روپے مالیت کے ۱۶ گم ہونے والے سمارٹ فونز کا بھی پتہ لگایا ہے ۔
بیان میں کہا گیا’’عام لوگوں تک خدمات پہنچانے اور ان کی شکایات کے ازالہ کیلئے سائبر سیل گاندربل نے۲۱فروری۲۰۲۴کو اپنے قیام کے بعد سے آن لائن سائبر کرائم پورٹل اور آف لائن موڈ کے ذریعے پیسوں کے مختلف آن لائن گھوٹالوں اور سیل فون گم ہونے کے بارے میں عام لوگوں سے درخواستیں/رپورٹس حاصل کیں‘‘۔
ترجمان نے کہا کہ ایس ایس پی گاندربل سندیپ گپتا کی ہدایات پر سائبر سیل گاندربل کی پولیس ٹیم سائبر جرائم کے ساتھ بھر پور طریقے سے نمٹ رہی ہے اور لوگوں کو مالی اور سوشل میڈیا گھوٹالوں کو حل کرنے کے لیے مدد کر رہی ہے ۔
ان کا کہنا تھا’’اب تک پیسوں کے ایک بڑے آن لائن گھوٹالے کو حل کرکے۶لاکھ۲۰ہزار روپے کو بند کر دیا گیا اور۳۹ہزار۹سو رویے متاثرین کے بینک کھاتوں میں دوبارہ جمع کئے گئے ‘‘۔
ترجمان نے بتایا کہ علاوہ ازیں پولیس ٹیم نے لاکھوں روپیے مالیت کے۱۶گمشدہ سمارٹ فونز بر آمد کئے اور سوشل میڈیا کے ۶ہیکڈ اکائونٹ بحال کئے ۔انہوں نے کہا کہ یہ یونٹس ایگزیکٹیو پولیس اہلکاروں اور ٹیلی کام اہلکاروں پر مشتمل ہیں جو مختلف نوعیت کے آن لائن فراڈ کو حل کرنے کی مہارت رکھتے ہیں۔