ٹی۔ٹوئنٹی ورلڈ کپ میں ہندوستان کھل کر کھیلے: گنگولی

کولکتہ، //ہندوستان کے سابق کپتان سورو گنگولی نے ٹی ٹوئنٹی ورلڈ کپ کے آئندہ میچوں کی تیاری کے لئے ہندوستانی کرکٹ ٹیم کی صلاحیت پر اعتماد ظاہر کیا ہے۔
کھیل کے مختصر ترین فارمیٹ میں جارحانہ انداز اپنانے کی اہمیت پر زور دیتے ہوئے گنگولی نے ہفتہ کو کہاکہ "ہمیں امید ہے کہ ٹیم اپنی بہترین کارکردگی پیش کرے گی۔”
انہوں نے کھلاڑیوں کو آزادی سے کھیلنے کا مشورہ دیا اور ٹی ٹوئنٹی کرکٹ میں چھکے مارنے کی اہمیت پر زور دیا۔ انہوں نے کہاکہ “جو ٹیم سب سے زیادہ چھکے لگائے گی وہ جیت جائے گی اور ہر ہندوستانی بلے باز لمبے چھکے لگا سکتا ہے۔ "روہت (شرما)، وراٹ (کوہلی)، (رشبھ) پنت، سنجو (سیمسن)، (شیوم) دوبے، (ہاردک) پانڈیا اور جس ٹیم میں سوریہ (سوریہ کمار یادو) ہیں، کیا وہ کمزور فریق ہوسکتے ہیں؟”
انہوں نے ٹی۔ٹوئنٹی کرکٹ کی غیر متوقع صلاحیت کو نوٹ کیا، جہاں کوئی بھی ٹیم ٹاپ فائیو میں شامل ہونے کی صلاحیت رکھتی ہے۔