جموں کشمیر میں جھلستی گرمی جاری‘۳جون سے ایک اور لہر متوقع

سرینگر//
جموںکشمیر میں ریکارڈ توڑ گرمی کا زور جاری رہنے کے بیچ محکمہ موسمیات نے۳جون سے ہیٹ ویو کے ایک اور مرحلے کی پیش گوئی کی ہے ۔
موسمیات محکمے کے مطابق جموں صوبے کے میدانی علاقوں میں اگلے۷دنوں کے دوران گرمی کی لہر یا گرم اور خشک موسم میں کوئی راحت متوقع نہیں ہے ۔انہوں نے کہا کہ وادی میں۲۹مئی کو موسم مجموعی طور پر خشک رہنے کا امکان ہے تاہم کہیں کہیں گرج چمک کے ساتھ ہلکی بارشوں کو خارج از امکان قرار نہیں دیا جاسکتا۔
ترجمان کا کہنا تھا کہ بعد میں۳۰؍اور۳۱مئی کو بھی موسم جزوی سے مجموعی طور پر ابر آلود رہنے کے بیچ کہیں کہیں گرج چمک کے ساتھ ہلکی بارشیں متوقع ہیں۔
ترجمان نے بتایا کہ وادی میں یکم اور۲جون کو بھی موسم جزوی سے مجموعی طور پر ابر آلود رہ سکتا ہے اور اس بیج کہیں کہیں ہلکی بارشوں کا امکان ہے ۔انہوں نے کہا کہ بعد میں ۳ سے۵جون تک موسم خشک رہنے کی توقع ہے ۔ان کا کہنا تھا کہ۳۰مئی سے۲جون تک وادی کشمیر اور جموں صوبے کے پہاڑی علاقوں میں گرمی کی شدت سے کسی حد تک راحت متوقع ہے ۔
ترجمان کے مطابق۳جون سے ہیٹ ویو کا ایک اور مرحلہ شروع ہوسکتا ہے ۔انہوں نے لوگوں سے گرمی سے بچنے اور زیادہ سے زیادہ مقدار میں پانی پینے کی تاکید کی ہے ۔
سرینگر میں آج دن کا زیادہ سے زیادہ ۶ء۳۲ڈگری سینٹی گریڈ درج کیا گیا ‘کپواڑہ میں۹ء۳۰‘پہلگام میں ۸ء۲۷‘کوکر ناگ میں۰ء۳۱‘بارہمولہ میں ۹ء۳۰‘بانڈی پورہ میں۱ء۳۱‘بڈگام میںء۳۲۰‘گاندربل میں۶ء۳۳‘پلوامہ میں ۶ء۳۲‘اننت ناگ میں۶ء۳۱‘شوپیاں میں بھی ۶ء۳۱‘جموں میں ۶ء۴۳‘کٹرا میں ۴ء۳۹‘بانہال میں ۸ء۳۱‘بھدرواہ میں ۲ء۳۴ اوربٹوٹ میں۴ء۳۲ ڈگری سینٹی گریڈ درج کیا گیا ۔
دریں اثنا وادی میں جہاں دن کے دوران ریکارد توڑ گرمی ریکارڈ ہوئی رہی ہے وہیں شبانہ درجہ حرارت بھی لگاتار معمول سے زیادہ درج ہو رہا ہے ۔
سری نگر میں کم سے کم درجہ حرارت۴ء۱۵ڈگری سینٹی گریڈ ریکارڈ کیا گیا جو معمول سے۴ء۳ڈگری سینٹی گریڈ زیادہ ریکارڈ ہوا تھا۔ سیاحتی مقام گلمرگ میں کم سے کم درجہ حرارت۰ء۱۱ ڈگری سینٹی گریڈ ریکارڈ کیا گیا جو معمول سے۹ء۳ڈگری سینٹی گریڈ زیادہ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت۳ء۹ڈگری سینٹی گریڈ ریکارڈ کیا گیا جو معمول سے۲ء۳ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۵ء۱۲ڈگری سینٹی گریڈ ریکارڈ کیا گیا جو معمول سے۹ء۱ڈگری سینٹی گریڈ زیادہ ریکارڈ ہوا تھا۔
قصبہ قاضی گنڈ میں کم سے کم درجہ حرارت۵ء۱۳ڈگری سینٹی گریڈ ریکارڈ کیا گیا جو معمول سے۸ء۲ڈگری سینٹی گریڈ زیادہ ریکارڈ ہوا تھا۔