سرینگر//
وادی کشمیرمیں شدید گرمی کی لہر جاری رہتے ہوئے گیٹ وے آف کشمیر کے نام سے مشہور قصبہ قاضی گنڈ میں اب تک کا سب سے زیادہ درجہ حرارت ریکارڈ ہوا ہے جبکہ پہلگام اور کوکر ناگ میں بھی گرمی کا۲۳سالہ ریکارڈ ٹوٹ گیا ہے ۔
محکمہ موسمیات کے ایک ترجمان نے بتایا کہ پیر کے روز قاضی گنڈ میں زیادہ سے زیادہ درجہ حرارت۳۴ڈگری سینٹی گریڈ ریکارڈ کیا گیا جو اب تک کا سب سے زیادہ درجہ حرارت یہاں پر ریکارڈ ہوا ہے ۔
ترجمان نے کہاکہ۳۱مئی۱۹۸۱کو قاضی گنڈ میں زیادہ سے زیادہ درجہ حرارت۶ء۳۳ڈگری ریکارڈ ہوا تھا۔
پہلگام میں بھی پیر کے روز۶ء۲۸ڈگری ریکارڈ ہوا جو کہ مئی کے مہینے میں ابتک کا دوسرا سب سے زیادہ درجہ حرارت ریکارڈ ہوا ہے ۔پہلگام میں۲۳مئی ۲۰۰۰کو۸ء۳۰ڈگری سینٹی گریڈ ریکارڈ کیا گیا تھا۔
محکمہ موسمیات کے مطابق کوکر ناگ میں ابتک کا دوسرا سب سے زیادہ درجہ حرارت۶ء۳۱ڈگری ریکارڈ ہوا ۔بھدرواہ میں۲۳برسوں کے بعد مئی کے مہینے میں سب سے زیادہ درجہ حرارت۶ء۳۲ریکارڈ ہوا ۱۵مئی ۲۰۰۱کو یہاں پر۶ء۳۴ڈگری ریکارڈ ہوا تھا۔
ان کے مطابق بھدرواہ میں۲۳برسوں کے بعد آج زیادہ سے زیادہ درجہ حرارت۷ء۳۴ڈگری ریکارڈ ہوا۔
سری نگر میں دن کا درجہ حرارت۲ء۳۲‘ کپواڑہ میں ۹ء۳۰‘ گلمرگ میں۲ء۲۲‘ جموں میں۸ء۴۲ کٹرا میں ۳۹ڈگری ریکارڈ ہوا ہے ۔
متعلقہ محکمے کے ایک ترجمان نے کہا کہ وادی میں ۲۸مئی تک موسم خشک رہنے کا امکان ہے اور اس دوران کہیں کہیں گرج چمک کے ساتھ ہلکی بارشوں کا امکان ہے ۔
ترجمان نے کہا کہ بعد ازاں وادی میں۲۹سے ۳۱مئی تک موسم جزوی ابر آلود رہ سکتا ہے اور اس دوران بعد دوپہر کہیں کہیں گرج چمک کے ساتھ ہلکی بارشیں متوقع ہیں۔
ترجمان نے کہا کہ وادی میں۳۱مئی تک موسم میں کسی بڑی تبدیلی کا کوئی امکان نہیں ہے ۔انہوں نے کہا کہ بعد میں یکم اور۲جون کو موسم جزی طور پر ابر آلود رہ سکتا ہے ۔ان کا کہنا تھا کہ وادی میں۳سے۵جون تک موسم خشک رہنے کا امکان ہے ۔
ترجمان نے کہا تاہم اگلے چار دنوں کے دوران جموں صوبہ کے میدانی علاقوں میں گرمی کی لہر جاری رہ سکتی ہے اور وادی کشمیر اور جموں کے پہاڑی اضلاع میں موسم خشک اور گرم رہ سکتا ہے ۔
محکمے نے لوگوں بالخصوص عمر رسیدہ افراد، بچوں اور مریضوں کو زیادہ مقدار میں پانی پینے اور خاص طور پر دوپہر ۱۲بجے سے دن کے۳بجے تک گرمی سے بچنے کی تاکید کی ہے ۔کسانوں سے کہا گیا ہے کہ وہ اپنے آپریشنز جاری رکھ سکتے ہیں۔
دریں اثنا وادی کا شبانہ درجہ حرارت بھی مسلسل معمول سے زیادہ ریکارڈ ہو رہا ہے ۔
گرمائی دارلحکومت سری نگر میں کم سے کم درجہ حرارت۶ء۱۵ڈگری سینٹی گریڈ ریکارڈ کیا گیا جو معمول سے۶ء۳ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت ۲ء۱۱ڈگری سینٹی گریڈ ریکارڈ کیا گیا جو معمول سے۱ء۴ڈگری سینٹی گریڈ زیادہ ریکارڈ ہوا تھا۔ایک اور سیاحتی مقام پہلگام میں کم سے کم درجہ حرارت۷ء۷ڈگری سینٹی گریڈ ریکارڈ کیا گیا جو معمول سے۶ء۱ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۰ء۱۲ڈگری سینٹی گریڈ ریکارڈ کیا گیا جو معمول سے۴ء۱ڈگری سینٹی گریڈ زیادہ ریکارڈ ہوا تھا۔
قصبہ قاضی گنڈ میں کم سے کم درجہ حرارت۴ء۱۲ڈگری سینٹی گریڈ ریکارڈ کیا گیا جو معمول سے۷ء۱ڈگری سینٹی گریڈ زیادہ ریکارڈ ہوا تھا۔
