سرینگر/25 مئی
جموں و کشمیر کے چیف الیکشن آفیسر نے بتایا کہ اننت ناگ راجوری پارلیمانی سیٹ کے پورے حلقہ میں دوپہر ایک بجے تک 35.61 فیصد رائے دہندگان نے اپنا حق رائے دہی استعمال کیا۔
عہدیدار نے بتایا کہ دوپہر ایک بجے تک پی سی کے تمام پولنگ اسٹیشنز پر 35.61 فیصد پولنگ ریکارڈ کی گئی اور ووٹرز اور انتخابی عملہ کے لئے وسیع انتظامات کیے گئے تھے۔
انہوں نے کہا کہ شدید گرمی کے موسم کے باوجود رائے دہندگان اپنی زندگیوں کو تبدیل کرنے میں ووٹ ڈالنے کی طاقت کو سمجھتے ہوئے اپنے حق رائے دہی کا استعمال کرنے کے لئے جوش و خروش سے قطاروں میں کھڑے ہیں۔
تفصیلات بتاتے ہوئے سی ای او جموں و کشمیر نے کہا کہ مختلف حلقوں میں دوپہر ایک بجے تک رائے دہندگان کی تعداد درج ذیل ہے:
اننت ناگ 21.19 فیصد، اننت ناگ مغربی 24.20 فیصد، بدھال (ایس ٹی) 39.82 فیصد، ڈی ایچ پورہ 35.36 فیصد، دیوسر 28.50 فیصد، ڈورو 31.89 فیصد، کوکرناگ (ایس ٹی) 34.00 فیصد‘ کولگام 21.27 فیصد، میندھر 42.06 فیصد، نوشہرہ 47.31 فیصد، پہلگام 39.78 فیصد، پونچھ حویلی 46.52 فیصد، راجوری (ایس ٹی) 52.74 فیصد سری گفوارہ میں 27.72 فیصد‘سورن کوٹ (ایس ٹی) 40.72 فیصد، تھانہ منڈی (ایس ٹی) 46.60 فیصد، زین پورہ 27.79 فیصد۔
