صوبہ جموں کی گرمائی زون کی عدالتوں میں۱۵دنوں کی گرمائی چھٹیوں کا اعلان

جموں//
جموں کشمیر اور لداخ ہائی کورٹ نے کشتواڑ، ڈوڈہ، رام بن اور کٹھوعہ اضلاع کی مخصوص عدالتوں کو چھوڑ کر صوبہ جموں کے گرمائی زون کی ضلعی عدالتوں میں۱۵دنوں کی گرمائی چھٹیوں کا اعلان کیا ہے ۔
یہ چھٹیاں۱۰جون سے شروع ہوکر ۲۴جون۲۰۱۴کو اختتام پزیر ہوں گی۔
متعلقہ اضلاع کے پرنسپل اینڈ سیشنز ججوں اور چیف جوڈیشل مجسٹریٹوں کو ہدایت دی گئی ہے کہ وہ اس مدت کے دوران اپنے اپنے دائرہ اختیار میں آنے والے فوجداری مقدمات کو نمٹانے کا بندوبست کریں۔
عدالت عالیہ کی طرف سے جمعہ کو جاری ایک نوٹیفکیشن میں کہا گیا’’تمام متعلقین کو مطلع کیا جاتا ہے کہ کشتواڑ اور ڈوڈہ اضلاع کی عدالتوں، رام بن ضلع کی بٹوٹ، گول، بانہال اور اوکھرال کی عدالتوں اور کٹھوعہ کی بنی میں قائم عدالت کو چھوڑ کر جموں و کشمیر کے صوبہ جموں کے گرمائی زون کی ضلعی عدالتوں میں۱۰جون سے۲۴جون تک ۱۵دنوں کی گرمائی چھٹیاں رہیں گی‘‘۔
نوٹیفکیشن میں مزید کہا گیا’’متعلقہ اضلاع کے پرنسپل اینڈ سیشنز ججوں اور چیف جوڈیشل مجسٹریٹوں کو ہدایت دی گئی ہے کہ وہ اس مدت کے دوران اپنے اپنے دائرہ اختیار میں آنے والے فوجداری مقدمات کو نمٹانے کا بندوبست کریں۔‘‘