راہل گاندھی کو 2018 کے تبصرے پر رانچی کی عدالت سے دوبارہ سمن

رانچی// کانگریس کے رکن پارلیمنٹ راہل گاندھی کو 2018 میں کیے گئے بی جے پی صدر امت شاہ کے خلاف قابل اعتراض تبصرے کے معاملے میں عدالت میں حاضر ہونے کا سمن جاری کیا گیا ہے ۔
اس سلسلے میں، رانچی کے ایم پی/ایم ایل اے کورٹ نے منگل کے روز یہ سمن جاری کیا ہے ۔ اس کیس کی اگلی سماعت 4 جون کے بعد ہوگی۔
شکایت کنندہ نوین جھا کے وکیل ونود کمار ساہو اور امردیپ ساہو نے ان کی نمائندگی کی۔ قابل ذکر ہے کہ اس سے پہلے بھی راہل گاندھی کو ایم پی/ایم ایل اے کورٹ نے سمن جاری کیا تھا۔ اس معاملے کو راہل گاندھی کے وکیل نے ہائی کورٹ میں چیلنج کیا تھا۔ آج پھر اس معاملے میں راہل گاندھی کو ایم پی ایم ایل اے کورٹ سے سمن جاری کیا گیا ہے ۔
واضح رہے کہ راہل گاندھی نے اپنے بیان میں کہا تھا کہ بی جے پی میں ایک قاتل صدر بن سکتا ہے لیکن کانگریس میں ایسا نہیں ہو سکتا ہے ۔ اس سے دلبرداشتہ ہوکر بی جے پی کارکن نوین جھا نے سال 2018 میں شکایت درج کرائی تھی۔