ہائی کورٹ کی مین ونگ اور سرینگر ونگ میں ۱۳مئی کو تعطیل رہے گی

سرینگر//
جموںکشمیر اور لداخ ہائی کورٹ نے سرینگر لوک سبھا سیٹ کی پولنگ کے پیش نظر کورٹ کی مین ونگ اور سرینگر ونگ میں۱۳مئی یعنی پیر کے روز تعطیل کا اعلان کیا ہے ۔تاہم ہائی کورٹ کی جموں ونگ اس روز حسب معمول کھلی رہے گی۔
عدالت عالیہ کی طرف سے جاری ایک نوٹیفکیشن میں کہا گیا’’تمام متعلقین کو اطلاع دی جاتی ہے کہ۱۳مئی۲۰۲۴یعنی پیر کو سری نگر لوک سبھا سیٹ کی پولنگ کے پیش نظر کورٹ کی مین ونگ اور سری نگر ونگ میں تعطیل رہے گی بشرطیکہ پولنگ ملتوی نہ ہو‘‘۔
نوٹیفکیشن میں مزید کہا گیا کہ تاہم کورٹ کی جموں ونگ اس روز حسب معمول کھلی رہے گی۔
قابل ذکر ہے کہ کشمیر کی تین لوک سبھا سیٹوں میں سے سری نگر لوک سبھا سیٹ کے لئے۱۳مئی کو پولنگ ہوگی۔۱۸نشستوں پر مشتمل اس سیٹ کی ہموار پولنگ کو یقینی بنانے کیلئے حکام نے۲۲۹پولنگ مراکز قائم کئے ہیں۔
اس سیٹ کیلئے کل۲۴؍امید وار میدان میں ہیں جن میں سے نیشنل کانفرنس کے آغا روح اللہ اور پی ڈی پی کے وحید الرحمان پرہ اور جموں وکشمیر اپنی پارٹی کے اشرف میر کے درمیان کانٹے کی ٹکر متوقع ہے ۔