ممبئی// سوریہ کمار یادو (105) کی ناقابل شکست سنچری اور تلک ورما کی 37 رنز کی طوفانی اننگز کی بنیاد پر ممبئی انڈینس نے انڈین پریمئر لیگ (آئی پی ایل) کے 55ویں میچ میں پیر کو سن رائزرز حیدرآباد کو سات وکٹوں سے شکست دے دی۔ ممبئی کی 12 میچوں میں یہ چوتھی جیت ہے۔
174 رنز کے ہدف کا تعاقب کرنے آئی ممبئی انڈینس کی شروعات بہت خراب رہی اور دوسرے ہی اوور میں ایشان کشن (9) کا وکٹ گنوا بیٹھی۔ اس کے بعد روہت شرما (4) چوتھے اوور میں 4 رنز بنانے کے بعد پویلین لوٹ گئے۔ بھونیشور کمار نے پانچویں اوور میں نمن دھیر کو صفر پر آو¿ٹ کر کے ممبئی کو تیسرا جھٹکا دیا۔ اس کے بعد بلے بازی کے لیے آئے سوریہ کمار یادو اور تلک ورما نے اننگز کو سنبھالا۔ سوریہ کمار یادو نے 51 گیندوں میں 12 چوکوں اور چھ چھکوں کی مدد سے 102 رنز کی ناقابل شکست اننگز کھیلی۔ سوریہ کمار نے چھکا لگا کر اپنی سنچری مکمل کی۔ وہیں تلک ورما 32 گیندوں پر 37 رنز بنانے کے بعد ناٹ آو¿ٹ رہے۔ تلک اور سوریہ کمار کے درمیان 143 رنز کی شراکت ممبئی کے لیے آئی پی ایل میں چوتھی وکٹ کے لیے سب سے بڑی شراکت ہے۔ ممبئی نے 17.2 اوور میں تین وکٹوں کے نقصان پر 174 رنز بنا کر سات وکٹوں سے میچ جیت لیا۔
حیدرآباد کی جانب سے بھونیشور کمار، مارکو جانسن اور پیٹ کمنز نے ایک ایک بلے باز کو آو¿ٹ کیا۔
اس سے قبل اوپنر ٹریوس ہیڈ (48) اور کپتان پیٹ کمنز کی 35 رنز کی ناقابل شکست اننگز کی بدولت سن رائزرز حیدرآباد نے ممبئی انڈینس کو جیت کے لیے 174 رنز کا ہدف دیا تھا۔
ممبئی انڈینس نے آج یہاں وانکھیڑے اسٹیڈیم میں ٹاس جیت کر سن رائزرز حیدرآباد کو بیٹنگ کی دعوت دی۔ جسپریت بمراہ نے چھٹے اوور میں ابھیشیک شرما کو آو¿ٹ کر کے ممبئی کو پہلی کامیابی دلائی۔ اس کے بعد آئی پی ایل میں ڈیبیو کرنے والے انشول کمبوج نے مینک اگروال (5) کو بولڈ کرکے پویلین بھیج دیا۔ اس کے بعد حیدرآباد کی وکٹیں وقفے وقفے سے گرتی رہیں۔ نتیش کمار ریڈی 15 گیندوں میں 20 رنز بنانے کے بعد آو¿ٹ ہوئے، ہینرک کلاسن (2)، مارکو جانسن (17)، شہباز احمد (10)، عبدالصمد (3)۔ ٹریوس ہیڈ نے سب سے زیادہ رن(48) 30 گیندوں میں اسکور کی، جس میں سات چوکے اور ایک چھکا تھا۔ انہیں 11ویں اوور میں پیوش چاو¿لہ نے آو¿ٹ کیا۔ کپتان پیٹ کمنز اور سنبیر نے اننگز کو سنبھالا۔ کمنز نے 17 گیندوں پر 35 رنز کی ناقابل شکست اننگز کھیلی، جس میں دو چوکے اور دو چھکے شامل تھے۔ سنبیر سنگھ آٹھ رنز بنانے کے بعد ناٹ آو¿ٹ رہے۔ حیدرآباد کی ٹیم نے 20 اوور میں آٹھ وکٹ پر 173 رنز بنائے۔
ممبئی انڈینس کی جانب سے ہاردک پانڈیا اور پیوش چاو¿لہ نے تین تین وکٹیں حاصل کیں۔ جسپریت بمراہ اور انشول کمبوج نے ایک ایک بلے باز کو آو¿ٹ کیا۔