صدر جمہوریہ کا کل سے ہماچل پردیش کا دورہ

نئی دہلی//صدر جمہوریہ ہند محترمہ دروپدی مرمو 4 سے 8 مئی 2024 تک ہماچل پردیش کا دورے پر رہیں گی۔ اپنے دورے کے دوران صدر جمہوریہ راشٹرپتی نواس، مشوبرا، شملہ میں قیام کریں گی۔
چھ مئی کو صدر جمہوریہ دھرم شالہ میں ہماچل پردیش کی سنٹرل یونیورسٹی کے 7ویں جلسہ تقسیم اسناد میں شرکت کریں گی۔
سات مئی کو صدر جمہوریہ گیٹی ہیریٹیج کلچرل کمپلیکس، شملہ میں ایک ثقافتی پروگرام میں شریک ہوں ۔ بعد میں، وہ راج بھون، شملہ میں ہماچل پردیش کے گورنر کی طرف سے دئیے گئے عشائیے میں شرکت کریں گی۔