کپواڑہ کے ٹنگڈار سیکٹر میں دراندازی کی کوشش ناکام، ایک جنگجو ہلاک، آپریشن ہنوز جاری

سرینگر/۲۰مئی
فوج نے شمالی ضلع کپواڑہ میں لائن آف کنٹرول (ایل او سی ) کے ٹنگڈار سیکٹر میں داندازی کی ایک کوشش کو ناکام بنانے کے دوران ایک جنگجو کو مار گرانے کا دعویٰ کیا ہے ۔
سرکاری ذرائع نے بتایا کہ جمعے کی صبح ٹنگڈار سیکٹر میں فوج کی گشتی پارٹی نے نامعلوم افراد کی مشتبہ نقل وحرکت دیکھی۔انہو ں نے کہا کہ’’دراندازی کی کوشش کرنے والے ملی ٹینٹوں کو ہمارے فوجیوں نے روکا جس دوران فائرنگ کا تبادلہ ہوا‘‘۔
اُن کے مطابق گولیوں کے تبادلے میں ایک جنگجو مارا گیا جس کی شناخت اور تنظیمی وابستگی کے بارے میں جانچ پڑتال شروع کی گئی ہے ۔
دفاعی ذرائع کا کہنا ہے کہ اس علاقے میں بڑے پیمانے پر تلاشی آپریشن شروع کیا گیا ہے ۔اس سلسلے میں مزید تفصیلات کا انتظار ہے ۔