عراق سے شام میں امریکی فوجی اڈے پر راکٹ داغے گئے

بغداد//
عراق سے اتوار کو پڑوسی ملک شام میں امریکی فوجی اڈے پر پانچ راکٹ فائر کیے گئے۔ ایک سیکورٹی ذرائع نے یہ اطلاع دی۔
صوبائی پولیس کے ایک ذریعے نے نام ظاہر نہ کرنے کی شرط پر ژنہوا کو بتایا کہ نامعلوم لڑاکوں نے موصل کے شمال مغرب میں تقریباً 60 کلومیٹر کے فاصلے پر واقع زومر شہر کے قریب ایک گاؤں سے شامی علاقوں کی طرف راکٹ فائر کیے ہیں۔
بعد میں عراقی جوائنٹ آپریشنز کمانڈ سے منسلک سیکیورٹی میڈیا سیل نے ایک بیان میں کہا کہ عراقی سیکیورٹی فورسز نے اتوار کی رات کے موصل کے مغرب میں ان غیر قانونی حملہ آوروں کے لیے سرچ آپریشن شروع کیا جنہوں نے مقامی وقت کے مطابق 09:50بجے شام میں امریکی اتحادی افواج پر راکٹ داغا تھا ۔
بیان کے مطابق سیکیورٹی فورسز نے ایک گاڑی پر راکٹ لانچر پایا اور اسے جلا دیا، جب کہ فوجیوں کی جانب سے حملہ آوروں کو گرفتار کرنے اور انہیں انصاف دلانے کے لئے تلاش جاری ہے۔