سمارٹ شہر … کمال ہے کہ یہ کیسا سمارٹ شہر ہے کہ جہاں ۹ لوگ اس لئے مر گئے ‘کیونکہ اس شہر… سمارٹ شہر میں ایک رابطہ پل گزشتہ ۱۵ برسوں سے پایہ تکمیل کو نہیں پہنچ پایا ہے… پہنچ پایا ہو تا تو… تو کیا یہ ۹ لوگ غرق آب ہو تے؟ بالکل بھی نہیں ہو تے ۔انداہ لگائیے کہ یہ ۹ لوگ‘جن میں بیشتر اسکولی بچے تھے‘ ان کی موت پانی میں ڈوب جانے سے نہیں ہو ئی ہوتی… کشتی الٹنے سے نہیں ہو ئی ہوتی… بلکہ انہیں کسی دہشت گرد نے انہیں فائرنگ کرکے مار دیا ہو تا تو… تو اپنے شہر کی حالت اس وقت کیا ہو تی… اپنے شہر کے حاکموں کا لب و لہجہ اس وقت کیا ہو تا… اللہ میاں کی قسم ان کے منہ سے آگ اگل رہے ہو تے…اور ان معصوموں کی ہلاکت کے ذمہ داروں کو پا تال سے بھی ڈھونڈ نکال کر قرار واقعی سزا دینے کا عہد کیا جارہا ہو تا… تو صاحب دیجئے نا سزا… سزا کا تعین کیجئے نا کہ… کہ یہ ۹ لوگ دہشت گردوں کی گولیوں کا نہ سہی لیکن… لیکن کسی کی لاپروائی کا شکار تو گئے … ذمہ داروں کا تعین کیجئے نا … دیکھ لیجئے نا کہ اگر یہ رابطہ پل گزشتہ دس پندرہ برسوں سے مکمل نہیں ہو پایا … اس بات کے باوجود بھی نہیں ہو پارہا ہے کہ مقامی آبادی ہر در پر دستک دیتے دیتے تھک گئی… لیکن پھر بھی انتظامیہ سے کوئی سامنے نہیں آیا … کسی نے ان کی بات نہیں سنی‘ کسی نے اس کا نوٹس نہیں لیا کہ… کہ شہر … اس سمارٹ شہر کے بیچوں بیچ ایک ایسا علاقہ بھی ہے جہاں دریا کے ایک کنارے سے دوسرے کنارے جانے کیلئے… اسکول جانے کیلئے کوئی رابطہ پل نہیں ہے… یقینا پل ہے‘ ایسا پل جو مکمل ہونے کا نام نہیں لے رہا ہے … کیوں نہیں لے رہا ہے… اس سمارٹ شہر کا کوئی افسر کیوں اتنا سمارٹ ثابت نہیں ہوا اور… اور اس نے اس پر غور نہیں کیا کہ آخر جہاں راتوں رات بڑی بڑی عمارتیں کھڑا ہو تی ہیں… وہاں ایک چھوٹا موٹا سا رابطہ پل تیار کیوں نہیں ہو رہا ہے… مکمل… پندرہ برسوں سے مکمل کیوں نہیں ہو پا رہا ہے …اس کا جواب تو کہیں سے آنا چاہئے … اس کا جواب کہیں کسی کونے‘ کسی دفتر ‘ کسی افسر سے آنا چاہئے کہ… کہ بات ۹ لوگوں… معصوم ۹ لوگوں کی ہے جو صرف اس لئے غرق آب ہو گئے کہ… کہ ان کے ہاں… ان کے علاقے میں کوئی رابطہ پل نہیں تھا… سمارٹ شہر میں ایسا تو نہیں ہونا چاہئے… لیکن بد قسمتی سے ایسا ہوا ہے… اور اب چونکہ ایسا ہوا ہے تو… تو صاحب سمارٹ بن کے ذمہ داروں کا تعین کیجئے اور… اور قرار واقعی سزا بھی دیجئے اور… اور ہاں اس پل کو اسی جوش و جذبے سے مکمل کیجئے جس جوش و جذبے سے سمارٹ شہر پروجیکٹ کے تحت کام مکمل کئے جا رہے ہیں۔ ہے نا؟
