میں زندگی کے اس مرحلے میں ہوں جہاں فیلڈ پرجوش یا مایوسی نہیں ڈھونڈتا: کوہلی

ممبئی// آئی پی ایل میں خراب دورسے گزررہے سابق کپتان وراٹ کوہلی نے کہا ہے کہ وہ اپنی زندگی کے "خوشگوار ترین دور” میں ہیں اور فیلڈ پر کیاہوتا ہے اس میں وہ "جوش یا مایوسی” تلاش نہیں کرتے۔
اس کے ساتھ ہی انہوں نے کہا ہے کہ آئی پی ایل میں تقریباً 9 سیزن کے بعد صرف ایک کھلاڑی کے طور پر کھیلتے ہوئے بھی وہ ایک ذمہ دار سینئر کھلاڑی کا کردار ادا کر رہے ہیں اور کپتان فاف ڈو پلیسس کو تجاویز دینے سے پیچھے نہیں ہٹتے۔
اسٹار اسپورٹس پر ‘انسائیڈ آر سی بی’ پروگرام میں، کوہلی نے کپتانی چھوڑنے کے بعد کھیلنے کے بارے میں کہا، "سچ کہوں تو یہ تھوڑا مختلف ہے۔ میں یہ نہیں کہوں گا کہ یہ مشکل ہے کیونکہ آپ اس عمل میں مسلسل تعاون کر رہے ہیں۔ خوش قسمتی سے فاف اور میری ہمیشہ اچھی دوستی رہی ہے۔ ٹیم کا ایک لیڈر گروپ ہے جس میں ہم سب اپنی تجاویز دیتے ہیں۔ میدان پر بھی جب فاف آؤٹ فیلڈ میں ہوتے ہیں تو انہوں نے مجھے زاویے اورکھلاڑیوں کے کی پوزیشن میں چھوٹی چھوٹی تبدیلیاں کرنے کی آزادی دی ہے۔ ایسامیں ایم ایس (دھونی) کے ساتھ کھیلتے ہوئے بھی کیا کرتا تھا۔ ایک ذمہ دار سینئر کھلاڑی کی حیثیت سے مجھے کھیل میں زیادہ حصہ ڈالنے اور کپتان کو تجاویز دینے میں ہمیشہ مزہ آتارہا ہے اور یہاں بھی ایسا ہی ہے۔
کوہلی نے آئی پی ایل 2022 کے پہلے 13 میچوں میں صرف 236 رن بنائے ہیں اور سیزن کے وسط میں اوپنر کے طور پر کھیلتے ہوئے بھی ان کی کارکردگی میں زیادہ تبدیلی نہیں آئی ہے۔ وہ مجموعی طور پر چھ مرتبہ 10 سے کم کے اسکور پر آؤٹ ہوئے ہیں اور اس میں تین گولڈن ڈکس شامل ہیں جہاں گیندبازنوں نے انہیں ان کی اننگ کی پہلی گیند پر پویلین بھیجا۔
صرف ایک نصف سنچری اسکور کرنے کے باوجود کوہلی نے اس مرحلے پر فلسفیانہ انداز کا مظاہرہ کرتے ہوئے کہا، ’’چاہے یہ تجربہ ہو یا تجربہ جو پہلے ہوا ہو، میں ان کی وجہ سے خود کو زیادہ قیمتی سمجھتا ہوں۔ میں واقعی اپنی زندگی کے سب سے خوشگوار مرحلے پر ہوں اور میدان میں رونماہونے والی چیزوں میں کوئی قدر یا خود کی قیمت نظرنہیں آتی ۔ اس کا یہ مطلب نہیں کہ مجھ میں کامیاب ہونے کی بھوک نہیں ہے۔ جس دن وہ بھوک چلی جائے گی میں یہ گیم چھوڑ دوں گا۔ میں صرف اپنی زندگی کے سب سے متوازن مقام پر ہوں جہاں میدان پر رونماہونے والے واقعات سے میں پرجوش یا مایوس نہیں ہوتا۔ تو یہ (خراب فارم کی بحث) میرے بارے میں نہیں ہے لیکن مجھے افسوس ہے کہ میں نے اپنی ٹیم کے لیے اتنا تعاون نہیں دیا جتنا میں دیناچاہتا ہوں جتنے میں مجھے فخرہو۔