جموں//
جموںکشمیر پولیس نے راجوری میں درمیانی شب۴ء۱کلو گرام ہیروئن برآمد کرکے ضبط کی ہے ۔
ایک ہفتے کے دوران پولیس نے کل ملا کر۵ء۸کلو گرام ممنوع نشیلی اشیاء برآمد کی ہے ۔
پولیس ذرائع نے بتایا کہ۱۰؍اپریل کوولیج ڈیفنس گارڈ نے نوین کمار ،سوکھوندر اور دویندر عرف منا نامی تین منشیات فروشوں کودھر بوچ کر ان کے قبضے سے۵ء۸کلو گرام ہیروئن برآمد کی۔
ذرائع نے کہاکہ گرفتار شدگان کا ساتھی فرار ہونے میں کامیاب ہوا جس کی بڑے پیمانے پر تلاش شروع کی گئی ہے ۔
ان کے مطابق منشیات فروشوں کی نشاندہی پر پولیس نے ہفتے کی درمیانی شب اور ایک ڈرگ اسمگلر کی گرفتاری عمل میں لا کر اس کے قبضے سے۴۴ء۱گرام ہیروئن برآمد کی۔
پولیس ذرائع نے بتایا کہ ابتدائی تحقیقات کے دوران پتہ چلا ہے کہ منشیات کی اسمگلنگ کی خاطر تین گاڑیوں، ڈمپر ، موٹر سائیکل اور لوڈ کیرئیر کو استعمال میں لایا گیا۔
پولیس کا کہنا ہے کہ معاملے کی باریک بینی سے تحقیقات شروع کی گئی ہے اور راجوری میں ایل او سی کے نزدیک سرحدی علاقوں پر باریک بینی سے نظر گزر رکھی جارہی ہے۔
ذرائع نے لوگوں سے اپیل کی ہے کہ وہ منشیات کا کاروبار کرنے والوں کے بارے میں قانون نافذ کرنے والے ادارے کو مطلع کریں۔