بارہمولہ میں منشیات فروش کی غیر منقولہ جائیداد قرق

جموں//
پولیس نے شمالی ضلع بارہمولہ میں ایک بدنام زمانہ منشیات فروش کی غیر منقولہ جائیداد کو قرق کر دیا۔
پولیس ترجمان نے بتایا کہ بارہ مولہ پولیس نے فاروق احمد میر ولد غلام محی الدین میر ساکن زاسپور ہ ٹنگمرگ نامی بد نام زمانہ منشیات فروش کی۲۰لاکھ روپے مالیت جائیداد کو منسلک کیا ہے ۔
ترجمان نے کہا کہ یہ کارروائی این ڈی پی ایس ایکٹ۱۹۸۵کے متعلقہ دفعات کے تحت انجام دی گئی اور اس سلسلے میں پولیس اسٹیشن ٹنگمرگ میں ایف آئی آر زیر نمبرات۲۳/۵۵‘۱۹/۵۰اور کنزر تھانے میں ۲۲/۱۴۲کے تحت مقدمات درج ہیں۔
بیان میں کہا گیا کہ بارہ مولہ پولیس کی طرف سے تحقیقات کے دوران اس جائیداد کی شناخت غیر قانونی طور حاصل شدہ جائیداد کے طور پر ہوئی ہے ۔
ترجمان کا کہنا تھا’’یہ جائیداد پہلی نظر میں منشیات فروش کی طرف سے نشہ آور اور ادویات اور سائیکو ٹراپک مواد کی غیر قانونی اسمگلنگ سے حاصل کی گئی تھی۔‘‘