پلوامہ میں تمباکو مصنوعات ایکٹ کے حوالے سے بیداری پروگرام

پلوامہ//
جموں و کشمیر کے پلوامہ میں ڈسٹرکٹ ہیلتھ سوسائٹی نے ڈائریکٹوریٹ آف ہیلتھ سروسز کشمیر کے تعاون سے سگریٹ اور دیگر تمباکو مصنوعات ایکٹ کے حوالے سے یک روزہ تربیتی پروگرام کا انعقاد کیا۔
پروگرام میں اے ڈی سی پلوامہ محمد اشرف، اے ایس پی اونتی پورہ، سی ایم او پلوامہ ڈاکٹر تہمینہ، بی ایم او پلوامہ، بی ایم او راجپورہ، ڈاکٹر میر مشتاق نوڈل آفیسر ٹوبیکو کنٹرول کشمیر، ڈائریکٹوریٹ آف ہیلتھ سروسز کشمیر کے افسران، محکمہ تعلیم کے افسران اور دیگر متعلقہ محکموں کے افسران اور متعلقہ افراد نے شرکت کی۔
سی او پی ٹی اے یعنی سگریٹ اور دیگر تمباکو مصنوعات ایکٹ ۲۰۰۳ کے نفاذ کے لیے تشکیل دی گئی ضلع سطح کی رابطہ کمیٹی کا جائزہ اجلاس ہوا۔ لوگوں بالخصوص نوجوانوں سے سگریٹ اور تمباکو کے استعمال سے دور رہنے کی اپیل کی گئی۔ سی او پی ٹی اے ایکٹ کا بنیادی مقصد ملک میں سگریٹ اور تمباکو اور دیگر مصنوعات کے استعمال کو کم کرنا ہے۔
پلوامہ میں کاپٹا کمیٹی کی جائزہ میٹنگ کا مقصد ضلع ٹیم کوکاپٹا۲۰۰۳ ؍ایکٹ کی خلاف ورزی کرنے والوں کے خلاف سخت کارروائی کرنے اور ضلع کو سگریٹ اور دیگر تمباکو کی مصنوعات کے استعمال سے نجات دلانا ہے۔
اے سی ڈی پلوامہ محمد اشرف نے کہا کہ ضلع کی ٹیموں اور اسکواڈز کو ہدایات دی گئی ہے کہ وہ کوپٹا ایکٹ کی خلاف ورزی کو روکنے کے لیے خاص طور پر تعلیمی اداروں کے قریب کے علاقوں میں باقاعدہ چیکنگ کریں۔ انہوں نے کہا کہ خلاف ورزی کرنے والوں سے قانون کے مطابق نمٹا جائے گا۔