مارچ میں جی ایس ٹی ریونیو 1.78 لاکھ کروڑ روپے سے متجاوز

نئی دہلی// سامان اور خدمات ٹیکس (جی ایس ٹی) ریونیو کلیکشن مارچ 2024 میں 1.78 لاکھ کروڑ روپے سے زیادہ رہی ہے اور یہ مارچ 2023 میں جمع کیے گئے 1.60 لاکھ کروڑ روپے سے تقریباً 11.5 فیصد زیادہ ہے ۔
فروری 2024 میں جی ایس ٹی ریونیو کلیکشن 168337 کروڑ روپے تھا۔ مارچ 2024 مالی سال 2023-24 میں 10 واں ایسا مہینہ ہے جب جی ایس ٹی کی وصولی 1.60 لاکھ کروڑ روپے سے زیادہ رہی ہے ۔ مئی 2023 اور اگست 2023 میں جی ایس ٹی کلیکشن 1.60 لاکھ کروڑ روپے سے تھوڑی کم تھی۔ رواں مالی سال میں اپریل میں یہ سب سے زیادہ 187035 کروڑ روپے تھا۔ رواں مالی سال میں اوسط ماہانہ جی ایس ٹی کلیکشن 1.68 لاکھ کروڑ روپے سے زیادہ ہوگیا۔
پیر کو وزارت خزانہ کے جاری کردہ جی ایس ٹی کے اعداد و شمار کے مطابق مارچ 2024 میں کل جی ایس ٹی کی وصولی 178484 کروڑ روپے رہی ہے ۔ اس میں سی جی ٹی 34532 کروڑ روپے ، ایس جی ایس ٹی 43746 کروڑ روپے ، آئی جی ایس ٹی 87947 کروڑ روپے ہے ، جس میں درآمدات پر جمع کیے گئے 40322 کروڑ روپے بھی شامل ہیں۔ اس کے ساتھ ہی جی ایس ٹی معاوضہ ٹیکس کے طور پر12259 کروڑ روپے ، جس میں درآمدات پر جمع کیے گئے 996 کروڑ روپے بھی شامل ہیں۔
باقاعدہ تصفیہ کے تحت حکومت نے آئی جی ایس ٹی میں سے سی جی ایس ٹی میں 43264 کروڑ روپے اورایس جی ایس ٹی میں 37704 کروڑ روپے دیئے ہیں۔ اس طرح سے کل سی جی ایس ٹی 77796 کروڑ روپے اور ایس جی ایس ٹی 81450 کروڑ روپے رہا ہے ۔
مارچ 2024 میں ختم ہونے والے مالی سال میں کل جی ایس ٹی کلیکشن 20.14 لاکھ کروڑ روپے رہا ہے ، جو پچھلے مالی سال کی اسی مدت میں جمع کی گئی رقم سے 11.7 فیصد زیادہ ہے ۔