حکومت صحت کی جدید سہولیات فراہم کرنے کے لیے پرعزم: ریکھا گپتا

نئی دہلی//دہلی کی وزیر اعلیٰ ریکھا گپتا نے کہا کہ ہماری حکومت دہلی کے لوگوں کو صحت کی بہتر اور جدید سہولیات فراہم کرنے کے لیے پرعزم ہے ۔
دہلی میں آل انڈیا انسٹی ٹیوٹ آف میڈیکل سائنسز (ایمس) میں بنائے گئے ‘دھانوکا ویٹنگ ہال’ کا افتتاح کرنے کے بعد، محترمہ گپتا نے جمعرات کو کہا کہ گزشتہ دس سالوں میں ایمس کے تمام انتظامات میں بہتری آئی ہے ۔
انہوں نے کہا کہ یہ ‘ویٹنگ ہال’ صرف تعاون نہیں بلکہ گہری انسانیت کا اظہار ہے ۔ یہ ملک کی مختلف ریاستوں سے آنے والے ہزاروں مریضوں کے عزیزوں کو ایک محفوظ، آرام دہ اور باعزت مقام فراہم کرے گا۔ یہ ‘ویٹنگ ہال’ مریضوں کے گھروالوں کی پریشانیوں کا ایک بامعنی حل ہے ، جنہیں شدید گرمی، سخت سردی اور بارش کے موسم میں ایمس کے باہر گھنٹوں انتظار کرنے پر مجبور کیا جاتا تھا۔
انہوں نے کہا کہ دہلی حکومت اس طرح کی کوششوں کا خیر مقدم کرتی ہے اور ہر ممکن مدد فراہم کرنے کے لئے تیار ہے ۔ ہماری حکومت دہلی کے لوگوں کو صحت کی بہتر اور جدید سہولیات فراہم کرنے کے لیے پرعزم ہے ۔