سرینگر//
چائلڈ ویلفیئر کمیٹی سرینگر نے سوشل میڈیا اور سماجی رابطہ گاہوں سے جڑے افراد کو دارالعلوم اور چیلڈ کیئر انسٹی ٹیوٹ یعنی سی سی آئی کے منتظمین کو ہدایت دی کہ وہ بغیر متعلقہ ادارے کی اجازت کے کسی کو اندر نہ آنے دیں۔
کمیٹی کی جانب سے جاری کیے گیے سرکیولر میں کہا گیا ہے کہ بار بار سوشل میڈیا سے وابستہ افراد کو تلقین کی گئی ہے کہ وہ کسی بھی حساس معاملے میں جہاں بچوں کی دیکھ بھال کی ضرورت ہوتی ہے، کی تصاویریں اور ویڈیوز سوشل میڈیا پر اپ لوڈ کرتے ہیں جو کہ قانون کی خلاف ورزی ہے۔
سرکیولر میں مزید کہا گیا ہے کہ چائلڈ ویلفیئر کمیٹی سرینگر کی نوٹس میں آیا ہے کہ سوشل میڈیا سے جڑے افراد چیلڈ کیئر اداروں یا دارالعلوم میں جاکر بچوں کے ویڈیوز اٹھاتے ہیں اور بعد میں مختلف سماجی رابطہ گاہوں پر اپ لوڈ کر کے جرم کرتے ہیں۔
چائلڈ ویلفیئر کمیٹی سرینگر کہا کہ اس قسم کی خلاف ورزی کو کسی بھی صورت برداشت نہیں کیا جائے گا اور ایسے میں خلاف ورزی کرنے کے مرتکب افراد پر کارروائی کی جائے گی۔ خلاف ورزی کرنے والوں کو چھ ماہ کی جیل ہو جائے گی یا دو لاکھ روپے کا جرمانہ عائد ہوگا۔