جموں کشمیر اور لداخ میں پھنسے ۳۰۰سے زائد افراد کو فضائیہ نے ہوائی جہاز کے ذریعے روانہ کیا

جموں//
جموں کشمیر اور لداخ میں شدید برفباری کی وجہ سے مختلف مقامات پر پھنسے۳۲۸؍ افراد کو ہندوستانی فضائیہ نے ہفتہ کے روز ہوائی جہاز کے ذریعے پہنچایا۔
ایک ترجمان کے مطابق۲۲جنوری کو شروع ہونے کے بعد سے سول انتظامیہ کے تعاون سے آئی اے ایف کے ذریعہ کرگل کورئیر سروس کے تحت اب تک کل۳ہزار۴۴۲؍افراد کو ہوائی جہاز کے ذریعے روانہ کیا گیا ہے۔
شدید برفباری کی وجہ سے۴۳۴کلومیٹر طویل سرینگر لیہہ قومی شاہراہ بند ہوگئی ہے۔
کرگل کورئیر کے دو طیاروں نے ہفتہ کے روز۳۲۸مسافروں کو ہوائی جہاز کے ذریعے پہنچایا۔ اے این۳۲ کی تین پروازوں میں۱۴۴ مسافروں کو سرینگر سے کرگل پہنچایا گیا جبکہ۱۲مسافروں کو کارگل سے سرینگر پہنچایا گیا۔
اسی طرح ۱۶۴مسافروں نے تین پروازوں میں جموں سے کرگل اور ۸مسافروں نے کارگل سے جموں تک سروس کا فائدہ اٹھایا۔ (ایجنسیاں)