جنوبی ممالک میں ۱۲ جبکہ شمالی ممالک میں رہنے والے ۱۷گھنٹے سے زیادہ طویل روزے رکھیں گے

سرینگر//(ویب ڈیسک)
دنیا بھر کے مختلف ممالک میں جہاں رمضان المبارک کا آغاز ہو چکا ہے وہیں کچھ ممالک میں ۱۲مارچ سے رمضان شروع ہو گا۔
رمضان المبارک میں مسلمان روزے کے دوران خود کو انتہائے سحر سے افطار کے وقت تک کھانے پینے سے روکے رکھتے ہیں اور پوری دنیا میں سحر و افطار کے دورانیے میں بھی فرق پایا جاتا ہے۔
اس سال دنیا کے جنوبی ممالک میں رہنے والے مسلمان تقریباً ۱۲ گھنٹے کا روزہ رکھیں گے جبکہ شمالی ممالک میں رہنے والے مسلمان ۱۷گھنٹے سے زیادہ طویل روزے رکھیں گے۔
انٹرنیٹ ویب سائٹ اسلامک فائنڈر کے مطابق دنیا کا طویل ترین روزہ ۱۷گھنٹے ۵۲ منٹ کا ہوگا جو گرین لینڈ کے شہر نیوک میں رکھا جائے گا، جبکہ دنیا میں مختصرترین روزہ نیوزی لینڈ کے شہر کرائسٹ چرچ میں رکھا جائے گا جس کا دورانیہ ۱۲ گھنٹے ۴۲ منٹ کا ہو گا۔
دنیا کے۱۰ شہر جہاں روزے کا دورانیہ سب سے طویل ہو گا ان میںنیوک، گرین لینڈ۵۲۱۷ منٹ ‘ریکجاوک، آئس لینڈ۱۷گھنٹے‘ہیلسنکی، فن لینڈمیں۱۷ گھنٹے‘اوسلو ناروے میں۱۶گھنٹے‘گلاسگو‘سکاٹ لینڈمیں بھی۱۶گھنٹے‘ماسکو میں۱۵ گھنٹے برلن‘ڈبلن‘ایمسٹرڈیم اوروارسا پولینڈ میں۱۵گھنٹے۔
کرائسٹ چرچ، نیوزی لینڈمیں۱۲ گھنٹے۴۲ منٹ‘پورٹو مونٹ، چلی‘کینبرا، آسٹریلیا‘مونٹیویڈیو، یوراگوئے‘ بیونس آئرس، ارجنٹائن‘جوہانسبرگ، جنوبی افریقہ‘سیوڈیڈ ڈیل ایسٹ پیراگائے میں ۱۲ گھنٹے جبکہ برازیلیا، برازیل۱۳ گھنٹے کا روزہ ہو گا۔
سعودی عرب کے دارالحکومت ریاض میں روزہ۱۳ گھنٹے۴۴ منٹ اور اردن کے دارالحکومت عمان میں ۱۴گھنٹے ۱۵ منٹ کا ہو گا۔ متحدہ عرب امارات کے شہر دبئی میں روزے کا دورانیہ ۱۳ گھنٹے ۵۸ منٹ، شام کے دارالحکومت دمشق میں۱۴ گھنٹے۱۹ منٹ اور لبنان کے دارالحکوت بیروت میں دورانیہ ۱۴گھنٹے ۱۷ منٹ ہو گا۔سوڈان کے درالحکومت خرطوم میں روزے کا دورانیہ۱۳ گھنٹے ۴۳منٹ ہو گا، کویت میں۱۴ گھنٹے ۸ منٹ طویل روزہ رکھا جائے گا۔
بحرین کے دارالحکومت منامہ میں روزے کا دورانیہ۱۴گھنٹے ہو گا۔ اسی طرح سلطنت عمان کے میں ۱۵گھنٹے اور ایک منٹ بعد روزہ افطار کیا جائے گا۔قطر کے دارالحکومت دوحہ کے شہری ۱۳گھنٹے ۵۹ منٹ طویل روزہ رکھیں گے جبکہ یمن کے شہر عدن میں روزے کا دورانیہ ۱۳گھنٹے ۳۵ منٹ ہو گا۔
مصر کے دارالحکومت قاہرہ میں ۱۴گھنٹے ۱۳منٹ کا روزہ ہو گا جبکہ لیبیا میں۱۴گھنٹے ۲۰ منٹ بعد روزہ افطار ہو گا۔
دوسری جانب جنوبی ایشیا کے ممالک پاکستان، انڈیا، بنگلہ دیش، افغانستان، بھوٹان، نیپال، مالدیپ اور سری لنکا میں روزے کا دورانیہ ۱۴گھنٹے ہو گا۔
دنیا کے شمال میں موجود کچھ ایسے ممالک بھی ہیں جہاں سال کے مخصوص دنوں میں سورج ۱۴گھنٹے نظر آتا ہے، ایسے ممالک میں مذہبی احکامات ہیں کہ لوگ اپنے روزے کے اوقات کا تعین کرنے کے لیے مکہ، سعودی عرب یا قریب ترین مسلم ممالک کے شیڈول پر عمل کریں۔