۳۹کانگریسی امیدواروں کی پہلی فہرست جاریراہل گاندھی جنوبی ریاست کیرالہ سے لڑیں گے

نئی دہلی//
کانگریس نے جمعہ کے روز۲۰۲۴کے لوک سبھا انتخابات کے لیے۳۹؍امیدواروں کی پہلی فہرست جاری کی، جس میں پارٹی کے سابق صدر راہل گاندھی کو وایناڈ سے ، تنظیم کے جنرل سکریٹری کے سی وینوگوپال کو الاپوزا سے اور چھتیس گڑھ کے سابق وزیر اعلی بھوپیش بگھیل کو راج نندگاؤں سے ٹکٹ دیا گیا ہے ۔
کانگریس کے جنرل سکریٹری کے سی وینوگوپال، پارٹی کے خزانچی اجے ماکن اور میڈیا ڈپارٹمنٹ کے سربراہ پون کھیڑا نے یہاں مشترکہ پریس کانفرنس میں کہا کہ پارٹی دو سے تین ہفتوں میں لوک سبھا انتخابات سے متعلق کام تیزی سے مکمل کرے گی۔
کانگریسی لیڈران نے کہا کہ پارٹی لیڈر راہل گاندھی کی بھارت جوڑو نیاے یاترا ۱۷مارچ کو ختم ہو رہی ہے اور اس دن بڑی ریلی کا اہتمام کیا گیا ہے جس میں انڈیا اتحاد کے لیڈروں کو بھی مدعو کیا جا رہا ہے ۔ اس کے بعد پارٹی لوک سبھا انتخابات کے کام میں پوری طرح مصروف ہو جائے گی۔
ان کاکہنا تھا کہ پارٹی نے پہلی فہرست میں ذات برادری کے مساوات کا پورا خیال رکھا ہے اور یہ بہت متوازن فہرست ہے ۔
پارٹی کی سنٹرل الیکشن کمیٹی کی آئندہ میٹنگ ۱۱مارچ کو ہوگی، جس میں اتر پردیش سمیت دیگر ریاستوں میں پارٹی امیدواروں کے ناموں پر غور کیا جائے گا۔ اس فہرست میں کیرالہ، کرناٹک، تلنگانہ اور چھتیس گڑھ کے امیدواروں کے نام شامل ہیں۔