نئی دہلی//
مرکزی وزیر برائے روڈ ٹرانسپورٹ اینڈ ہائی ویز نتن گڈکری نے جمعہ کو اعلان کیا کہ جموں کشمیر میں دو شاہراہوں کو چوڑا کرنے اور ایک روپ وے پروجیکٹ کیلئے ۹۲ء۲۰۹۳ کروڑ روپے مختص کرنے کی منظوری دی گئی ہے۔
وزیر نے کہا کہ جموں و کشمیر میں قومی شاہراہ ۷۰۱ کے رفیع آباد ،کپواڑہ، چوکی بل،ٹنگڈار، چمکوٹ سیکشن کی چوڑائی اور مضبوطی کیلئے۹۴ء۱۴۰۴ کروڑ روپے کی منظوری دی گئی ہے۔
گڈکری نے کہا کہ پیکیج ون کے تحت انجینئرنگ، پروکیورمنٹ اینڈ کنسٹرکشن (ای پی سی) موڈ پر بارہمولہ اور کپواڑہ اضلاع میں پروجیکٹ بیکن کے تحت شروع کیے گئے اس اقدام کا مقصد ۵۱ کلومیٹر کے روٹ کو دو لین میں تبدیل کرنا ہے۔ یہ شاہراہ خطے میں لاجسٹکس کیلئے اہم ہے کیونکہ یہ بارہمولہ اور کپواڑہ اضلاع کو جوڑنے والے اسٹریٹجک روٹ کا ایک حصہ ہے۔ یہ ایک اہم کردار ادا کرتا ہے اور بین الاقوامی سرحد کے قریب شمالی کشمیر میں سیاحت کے شعبے کی ترقی کا لازمی حصہ ہے۔
مرکزی وزیر نے کہا کہ سرینگر ضلع میں شنکراچاریہ مندر تک ایس ڈی اے پارکنگ (زبروان پارک کے قریب) سے ۵ء۱ کلومیٹر طویل روپ وے کی ترقی ، آپریشن اور دیکھ بھال کیلئے۵۸ء۱۲۶ کروڑ روپے کی منظوری دی گئی ہے۔
گڈکری نے کہا کہ یہ اقدام ہائبرڈ اینوئٹی ماڈل پر کام کرتا ہے ، جس میں مونوکیبل ڈیچیبل گونڈولا (ایم ڈی جی) ٹکنالوجی کا استعمال کیا جاتا ہے جس میں فی گھنٹہ ۷۰۰؍ افراد کی نقل و حمل کی صلاحیت ہوتی ہے۔ اس منصوبے کو سرینگر شہر اور ڈل جھیل کا خوبصورت نظارہ پیش کرنے کیلئے ڈیزائن کیا گیا ہے ، جو محفوظ اور آسان نقل و حمل کے ذرائع فراہم کرتا ہے۔
مرکزی وزیر کامزید کہنا تھا یہ معذور افراد اور بزرگ شہریوں کے لئے مندر جانے کے لئے آسان رسائی کو یقینی بناتا ہے ، جس سے سفر کا وقت تقریبا ً۳۰ منٹ سے کم ہوکر تقریبا ً۵ منٹ رہ جاتا ہے۔ اس کے علاوہ، یہ نقل و حمل کے لئے ایک ماحول دوست طریقہ کے طور پر کام کرتا ہے، مقامی آبادی کے لئے روزگار کے مواقع پیدا کرتا ہے، اور سیاحت کو فروغ دے کر خطے کے لئے معاشی فوائد لاتا ہے۔
گڈکری نے کہا کہ نیشنل ہائی وے۲۴۴ کے ناشری چنانی سیکشن کی اپ گریڈیشن اور مضبوطی کے منصوبے کیلئے۴۰ء۵۶۲ کروڑ روپے مختص کرنے کی بھی منظوری دی گئی ہے۔ اودھم پور اور رام بن اضلاع میں۱ء۳۹ کلومیٹر پر پھیلی یہ پہل قومی شاہراہ (او) کے تحت ای پی سی موڈ پر کام کرتی ہے۔
اس سڑک کی تعمیر سے جموں کے سیاحتی مرکز پٹنی ٹاپ سے بہتر رابطہ قائم ہوگا جس سے خطے کی اقتصادی ترقی کو فروغ ملے گا۔