’نوجوانوں کی طاقت ترقی یافتہ جموں کشمیر کا ستون‘

جموں//
لیفٹیننٹ گورنر‘ منوج سنہا نے نوجوانوں کی طاقت کو ترقی یافتہ جموںکشمیر کا ستون قرار دیا ہے۔
سِنہا نے آج کنونشن سینٹر میں’’جے کے یوتھ کنکلیو ۲۰۲۴‘کا اِفتتاح کیا اور محکمہ اطلاعات و تعلقات عامہ کے ’’انسپائر جین زیڈ‘‘ اور’’بیٹس آف جموں و کشمیر‘‘ اقدامات کے دوسرے سیزن کا آغاز کیا۔
لیفٹیننٹ گورنر نے اَپنے خطاب میں کہا کہ نوجوانوں کی طاقت جموں و کشمیر اور وِکست بھارت کا ستون ہے۔’’ ملک بڑے اعتماد، اُمید اور توقعات کے ساتھ آگے بڑھ رہا ہے اور مجھے یقین ہے کہ نوجوان پود اَپنی منفردہنروں اور صلاحیتوں سے اس سفر میں اپنا گراں قدر حصہ اَدا کریں گے‘‘۔
سنہا نے یوتھ کنکلیو میں جدید ترین ماحولیاتی نظام کو فروغ دینے اور کل کی کامیابی کو تشکیل دینے میں نئی نسل کے اہم کردار پر روشنی ڈالی۔
ایل جی نے کہا کہ نوجوان طاقت ترقی پسند اور خوشحال ہندوستان کا محرک ہے۔ اُنہوں نے کہا کہ وہ اَمرت کال کے ویژن کو حاصل کرنے کیلئے نئی راہیں بنارہے ہیں۔
لیفٹیننٹ گورنر نے نوجوانوں کو بااِختیار بنانے اور اُن کی حقیقی صلاحیتوں کو بروئے کار لانے کیلئے ساز گار ماحول فراہم کرنے کے لئے اُنہیں یوٹی اِنتظامیہ کے عزم کا اعادہ کیا۔
سنہا نے کہا کہ جموں کشمیر کی۶۵ فیصد آبادی نوجوانوں پر مشتمل ہے۔ اُنہوں نے کہا کہ یہ ڈیموگرافک ڈیویڈنڈ ہماری سب سے بڑی طاقت ہے۔
اِس موقعہ پر لیفٹیننٹ گورنر نے مشن یوتھ اور محکمہ اطلاعات و تعلقات عامہ پر زور دیا کہ وہ ’نیکسٹ جنریشن کولیشن۔جے کے پروگرام ‘کے ذریعے نوجوانوں کا ایک نیٹ ورک تیار کریں۔
ایل جی نے کہا کہ نوجوان ہمیشہ بے لوث کام کرتے ہیں۔ وہ دوسروں کے لئے جیتے ہیں۔ نوجوانوں کے اعمال ان کے اپنے فائدے تک محدود نہیں ہیں۔ اُنہوں نے کہاکہ نوجوانوں کی شخصیت اِشتراک پر یقین رکھتی ہے۔
لیفٹیننٹ گورنر نے کہا کہ منشیات کے خلاف نوجوانوں کی قیادت میں لڑائی منشیات کے غلط اِستعمال کی بدعت سے نمٹنے اور منشیات سے پاک جموں کشمیر کے مقصد کے حصول میں اہم کردار ادا کرے گی۔
سنہا نے کہا کہ نوجوان اَپنی صلاحیتوں اورہنروں کی خوشبو پھیلاتے ہیں تاکہ سب کو فائدہ ہو۔ وہ اندھیروں کو دور کرنے کے لئے تاریک راہوں کو روشن کرنے میں معاشرے کی مدد کرتے ہیں۔ اُنہوں نے مزید کہا کہ اِنتظامیہ نوجوانوں کو سماج کی خدمت کرنے کی کوششوں میں تمام ضروری وسائل اور مدد فراہم کرے گی۔
لیفٹیننٹ گورنر نے یوتھ کنکلیو میں مختلف محکموں کی جانب سے لگائے گئے نمائشی سٹالوں کا دورہ کیا۔ اُنہوں نے مختلف سکیموں کے تحت استفادہ کنندگان کو تقرر نامے سونپے۔
جموں و کشمیر کے بیٹس کے فن کاروں نے اَپنی شاندار پرفارمنس سے سامعین کو محظوظ ومسحور کیا۔ اِس موقعہ پر جموں و کشمیر میں فلم سازی کے سفر پر ایک مختصر ویڈیو بھی دِکھائی گئی۔
خطاب میں سنہا نئی پود کو اَپنی اِنفرادی ترقی کیلئے شامل کرنے اور حوصلہ اَفزائی کرنے کیلئے محکمہ اطلاعات و تعلقات عامہ کی کوششوں کی ستائش کی۔
سنہا نے کہا،’’یوتھ کنکلیو‘جیسے پلیٹ فارم جنرل زیرز کو جموں و کشمیر کے سماجی، ثقافتی اور اِقتصادی منظر نامے کو تشکیل دینے اور بالآخر مختلف شعبوں پر اثر انداز ہونے کی ترغیب دیں گے۔‘‘
لیفٹیننٹ گورنر نے جموں کشمیر کے ینگ اچیوروں کو مبارک باد پیش کی جنہیں مختلف شعبوں میں مثالی شراکت کیلئے آج اعزاز سے نوازا گیا۔