پدم شیری ایوارڈ یافتہ غلام محمد میر(ممہ کنہ) بی جے پی میں شامل

سرینگر//
پدم شری ایوارڈ یافتہ غلام محمد میر عرف ممہ کنہ نے بدھ کے روز بی جے پی میں شمولیت اختیار کی۔
بی جے پی کی جانب سے جاری کئے گئے ایک بیان میں کہا گیا ہے کہ میرنے بدھ کو بھارتیہ جنتاپارٹی کا دامن تھام لیا۔انہوں نے کہاکہ میر کی شمولیت سے آئندہ لوک سبھا چناو سے قبل پارٹی مزید مضبوط ہوگی ۔
جموں وکشمیر کے بڈگام میں ضلع صدر حکیم روح اللہ غازی کی موجودگی میں میر نے پارٹی میں شمولیت اختیار کرنے کا اعلان کیا۔
غلام محمد میر عرف مومہ کنا کو فوج کے ساتھ کام کرنے کے صلے میں ۲۰۱۰میں ملک کے سب سے بڑے سیول ایوارڈ پدم شری سے نوازا گیا۔
بی جے پی نے میر کے پارٹی میں شامل ہونے کو نیک شگون قرار دیتے ہوئے کہا ہے کہ ان کی بی جے پی میں آمد سے پارٹی مزید مستحکم ہو جائے گی۔
واضح رہے کہ گزشتہ ایک ماہ کے دوران جموں وکشمیر میں سینکڑوں کی تعداد میں ذی عزت شہریوں اور سیاستدانوں نے بی جے پی میں شمولیت اختیار کی ہے ۔
بی جے پی ضلع صدر بڈگام حکیم روح اللہ غازی نے غلام محمد میر کی پارٹی میں شمولیت کا خیرمقدم کرتے ہوئے اس پر اطمینان کا اظہارکیا ہے ۔