چیف سیکرٹری نے راجیش شرما کو جے کے ڈبلیو آر آر اے ممبر کے طور پر حلف دلایا

جموں//
چیف سیکریٹری ‘ اتل ڈولو نے آج یہاں سابق کسٹوڈین جنرل جموں کشمیر ‘راجیش شرما کو جموں کشمیر واٹر ریسورسز ریگولیٹری اتھارٹی ( جے کے ڈبلیو آر آر اے ) کے رکن کے طور پر اپنے عہدے کا حلف دلایا ۔
اس موقع پر اے سی ایس جل شکتی ، رکن جے کے ڈبلیو آر آر اے ، سیکرٹری جل شکتی ، محکمہ کے چیف انجینئر کے علاوہ دیگر افسران بھی موجود تھے ۔
ڈولو نے چارج سنبھالنے پر شرما کی تعریف کی اور ان سے کہا کہ وہ اتھارٹی کے کام میں اختراعات لانے میں اپنی مہارت کا استعمال کریں ۔
چیف سیکریٹری نے اس موقع پر آئی اینڈ ایف سی محکمہ سے کہا کہ وہ یو ٹی میں مختلف آبپاشی اسکیموں کے تحت اپنے کمانڈ ایریا کو مزید وسعت دیں ۔ انہوں نے انہیں شاہ پور کنڈی بیراج سے پانی حاصل کرنے کیلئے یو ٹی کی تیاریوں کے بارے میں بھی آگاہ کیا ۔ انہوں نے ان سے کہا کہ وہ نابارڈ وغیرہ کے تحت مطلوبہ آبپاشی اسکیمیں وضع کر کے مزید زمین کو فصل کی پیداوار کے تحت لانے کے امکانات تلاش کریں ۔
اس موقع پر اے سی ایس جل شکتی ڈیپارٹمنٹ شالین کابرا نے بتایا کہ ریگولیٹری اتھارٹی اب مکمل طور پر فعال ہو چکی ہے کیونکہ ۵میں سے۳ممبران موجود ہیں جو کورم کو قابل عمل بناتے ہیں ۔
چیف سیکریٹری نے کہا کہ اتھارٹی کا یو ٹی میں آبی وسائل کو منظم کرنا ایک لازمی فرض ہے ۔ انہوں نے کہا کہ اس کے مینڈیٹ میں منصفانہ اور پائیدار انتظام کو یقینی بنانا ، ان وسائل کی تقسیم اور استعمال ، پانی کے استعمال کے نرخوں کا تعین اور دیگر تمام متعلقہ امور شامل ہیں ۔
یہاں یہ بات قابل ذکر ہے کہ شرما ایک سابق آئی اے ایس افسر نے جے اینڈ کے حکومت میں اعلیٰ انتظامیہ اور انتظامی کرداروں میں اعلیٰ ذمہ داریوں پر کام کیا ہے ۔
وہ ریجنل ڈائریکٹر ( سروے اینڈ لینڈ ریکارڈز ) اودھمپور ، ڈائریکٹر ہینڈ لوم ڈیولپمنٹ ڈیپارٹمنٹ ، سیکرٹری پبلک سروس کمیشن ( جے اینڈ کے ) اور آخر میں جون۲۰۲۳ میں فعال سرکاری خدمات سے سبکدوش ہونے سے پہلے جموں و کشمیر کے کسٹوڈین جنرل رہ چکے ہیں ۔