کشمیر اور لداخ میںدرماندہ۲۶۰مسافروں کو ائیر لفٹ کیا گیا

سرینگر//
ہندوستانی فضائیہ فورس (آئی اے ایف) نے پیر کے روز جموں و کشمیر اور لداخ یونین ٹریٹریوں کے درمیان پھنسے ہوئے۲۶۰مسافروں کو ائیر لفٹ کیا۔
سرکاری ذرائع نے بتایا کہ پیر کے روز ائیر لفٹ کئے گئے۲۶۰مسافروں کے ساتھ اے این۳۲طیارے جس کو کرگل کورئیر بھی کہا جاتا ہے کے ذریعے اب تک ائر لفٹ کرنے والے مسافروں کی تعداد۱۵۵۱تک پہنچی ہے ۔
ذرائع نے کہا کہ پیر کے روز کل۲۶۰مسافروں کو کرگل کورئیر میں ایئر لفٹ کیا گیا۔ان کا کہنا ہے’’ان مسافروں میں سے۱۱۳مسافروں کو سری نگر سے کرگل اور۹۳کو جموں سے کرگل ائیر لفٹ کیا گیا جبکہ۳۸کو کرگل سے سرینگر اور۱۶دیگر کو دو الگ الگ جہازوں میں کرگل سے جموں پہنچایا گیا‘‘۔
بتادیں کہ کرگل کورئیر سروس ہفتے میں تین دن جموں اور سری نگر کے درمیان جبکہ ہفتے میں دو بار سری نگر اور کرگل کے درمیان پھنسے ہوئے مسافروں کی سہولیت کے لئے چلتی ہے ۔